Aller au contenu

Conteye di Dålem

Èn årtike di Wikipedia.

Li conteye di Dålem, c' esteut ene pitite conteye metowe e Payis d' Heve.

Rapoirt avou les payis d' asteure[candjî | candjî l’ côde wiki]

Si teritwere est metou so deus payis d' asteure: li Beldjike et les Bas Payis. Sol Levant, i fwait l' frontire d' enute avou l' Almagne.

E l' Beldjike, gn a des bokets ki sont pol djoû d' ouy e l' Walonreye (Dålem (viyaedje), Trimbleu, Boubåy), et des ôtes e l' Flande (Foron-l'-Conte, Foron-Sint-Mårtén).

Mape delconteye

Istwere[candjî | candjî l’ côde wiki]

Li prumire mwaisse veye del conteye, c' esteut a Foron-l'-Conte.

Mins, e 1080, on bastixha on ptit tchestea d' disfinse so on pegnon d' rotche metou å deus-aiwes del Berwinne et do Boland, lomé Dålem, çou ki va rbatijhî l' conteye.

E 1239, elle est evayeye pås tropes do conte do Braibant, ki dvént adon eto «Conte di Dålem».

Li conteye di Dålem, c' est adon on boket des Payis d' Djudla-Mouze ou «Teres do Rwè» metous å Levant del Prncipåté d' Lidje (li dutcheye do Limbork, li conteye di Fåcmont (Valkenburg), li signorreye di Rôlduk (Herzogenrath)

E 1661, al fén del guere d' ûtante ans, inte les Holandès des Bas Payis espagnols et les Rwès d' Espagne, li conteye est côpé a deus. Les Holandès (Provinces Uneyes) riçuvèt Dålem, Ône, Trimbleu, Feneu, Boubåy, Cadî et Ôsse. Mins e 1785, on lzî rprind co les prumîs viyaedjes, po n' elzî leyî ki Cadî et Ôsse.

L' ôte boket dimeure dins les Bas Payis espagnols, pi otrichyins.

Come tos les pårtixhaedjes del Moyinådje, li conteye disparexhe avou l' abrocaedje des Francès ezès Bas Payis otrichyins ey e l' Principåté d' Lidje e 1795.