Copene:Betchteu waibe

Askepiaedje des noûmots a vey avou les betchteus d' waibes

Li noûmot "betchteu" a stî atåvlé pa Lucien Mahin diviè 1998. Li mouvmint di passer d' ene waibe a l' ôte rishonne å ci des biesses magneuses d' yebes betchteuses, ki magnèt håre et hote. Li mot inglès "browser" est l' minme po les deus sacwès (biesse betchteuse & betchteu waibe).

Li mot "betchteu" a stî rprins so les ratournaedjes do sistinme d' operance Linux. Si s' a spårdou emey les waloneus.

Li mot "naivyî" est l' ratournaedje wallon do francès "naviguer".

"rôbaler sol toele d' araegne", c' est ene ratourneure k' a stî enondêye pa Guy Cabay dins onk des soçnaedjes di Djiblou.

Les noûmots d' aplacaedje tîxhon "ciberrôbaleu" et "cibernaivieu" ont stî foirdjîs pa Lucyin Mahin eto, diviè 1999.