Copene:Walofobeye

A disfacer ?

Dji n' di nén ki ç' mot la n' egzistêye nén, del minme manire ki trucmuchephobie egzistêye eto, mins por mi, li mwaisse årtike c'est zenofobeye, et c' est lu k' i fåreut recråxhî. On mot eployî 9 côps sol toele, avou 4 blogs so les 9 et k' on n' trouve nole påge ki discrît l' sudjet, oniesmint, on n' pout nén dire k' on-z a la les « sources centrées sur le sujet » k' on rclamreut so Wikipedia e francès. Por mi, c' est on mot ki poreut trover s' plaece sol Wiccionaire, mins nén so Wikipedia pol moumint. A noter eto k' Èl-Gueuye-Noere a metou walonifobeye sol Wiccionaire mins a scrît « walonrifobeye » so Wikipedia. Reptilien.19831209BE1 (copene) 28 di måss 2023 a 20:18 (UTC)

C' est l' veur k' ci n' est nén foirt uzé, come vs el dijhoz. Totfeye, ça dmore on fenominne. On l' pôreut ermete dins cist årtike la dins ene pårtêye specifike. Mins nerén, i fåt nén rovyî k' nos n' estans nén l' Wikipedia francès-cåzant eyet pôreut vali k' on n' el soeye måy. Pwis, cwand vos lijhoz ci pådje la, i dijhnut bén voltî k' ci n' est nén ene rîle, virpus nén ene adviertance.. Adonpwis, tchaeke pordjet a rîles a lu. Vos daloz sol neyerlandès-cåzant, c' est co ene ôte sacwè. Li rujhe des sourdants ki vos mostrez rwaite tote ene pekêye d' årtikes so bråmint des suddjets. Adon, lzès fådreut disfacer eto sins cachî des referinces dvant ?

« Walonrifobeye », c' est ene flotche d' ortografeye avou on « r » di trop. Cwek' ça, ciste idêye ci egziste dins, å moens, deus lingaedjes foû do walon. Metnant, dji n' voe nén pocwè on n' el pôreut nén l' awè e walon eto ? Paski, si on djoû dji vou cåzer d' ciste idêye la, fådreut-i passer pa ene longue fråzlete, minme si on pôreut awè on mot po ça ? Fådreut-i al plaece uzer onk des deus mots francès come sacwants oteurs ki voeynut les noûmots evi ?

Tot-z espwerant î trover ene divudindje sins målåjhmince.

Ki ça vos våye bén,

--Èl-Gueuye-Noere (Ene sacwè ? => Dijhoz-m' el !) 28 di måss 2023 a 20:49 (UTC)

On l' pôreut ermete dins cist årtike la dins ene pårtêye specifike.

Oyi, ça m' ireut ! Mins i dmeure todi l' rujhe des sourdants.

Adonpwis, tchaeke pordjet a [ses] rîles a lu.

Oyi, mins gn a des cmenès rîles (et minme on livea pus wôt k' des rîles) a tos les pordjets, ey inte did zeles li neute erwaitance (Neutralité de point de vue). Et c' est pask' on trouve des sourdants (di cwålité) ki diswalpêynut on metou sudjet k' on pout adjonde ci såme la. Si gn a pont d' sourdants, on n' fwait k' dire li nosse (çou k' i nos shonne).

Li rujhe des sourdants ki vos mostrez rwaite tote ene pekêye d' årtikes so bråmint des suddjets. Adon, lzès fådreut disfacer eto sins cachî des referinces dvant ?

Motoit bén, mins dji n' va nén m' fé l' pårlî d' tos les demons. Dji n' a pont l' tins por ça ! Wikipedia, c' est ene eciclopedeye, et on dvreut si cdure a discrire çou k' on sait, et fok çou k' on sait d' après les diferints sourdants k' on pout rascode håre et hote.

« Walonrifobeye », c' est ene flotche d' ortografeye avou on « r » di trop. Cwek' ça, ciste idêye ci egziste dins, å moens, deus lingaedjes foû do walon.

Des sourdants ? Dji vs vou bén croere, mi !

Metnant, dji n' voe nén pocwè on n' el pôreut nén l' awè e walon eto ? Paski, si on djoû dji vou cåzer d' ciste idêye la, fådreut-i passer pa ene longue fråzlete, minme si on pôreut awè on mot po ça ? Fådreut-i al plaece uzer onk des deus mots francès come sacwants oteurs ki voeynut les noûmots evi ?

A, Sam', vos purdoz ene drole di voye, la… Des idêyes, i nd a des meyes et des meyes, et on nd a tchaekonk des cints et des cints. I gn a nolu, et surmint nén mi, ki vos va-st espaitchî d' eplaidî on live po diswalper les vosses. Mins 'çki Wikipedia est l' meyeuse plaece po l' fé ? Èm-n amisse Djan Nolu inmreut fé ene årtike sol Diu Tchikaka del tribe (tribu) des Wapipis ki vicnut sol planaete Kloak, djusse paski ça egzistêye e s' tiesse. Foirt bén, k' i screye on live dizeur, djel lirè surmint…

Reptilien.19831209BE1 (copene) 29 di måss 2023 a 06:48 (UTC)

Djulén : dji n' voe nén çk' i n' est nén neute a djusse sicrire çk' i s' passe avou des sourdants. Dji voe k' vos voeyoz voltî ç' ki est metou sol pordjet francès-cåzant. Tolminme, li prumire pådje d' èç Wikipedia la ki vs av mincioné shonne esse podbon vizé på manke d' neute erwaitance. Pwis, vos n' mostrer nén çou k' est des « sourdants di cwålite ». Copuvite, si c' est l' minme tchôze k' est scrît so vo Wikipedia. Adonpwis, est-çk' i èç muzeure la est boune ttavå ?

Motoit bén, mins dji n' va nén m' fé l' pårlî d' tos les demons.

Ni frîz nén des ricweraedjes dvant po vir s' i gn a des sourdants ? Vraiymint ? Adon, dji duvreu motoit disfacer ci pådje ci tot d' shûte. C' est tot fijhant des ricweraedjes ki dj' a houwé l' disfaçaedje di kékes årtikes, ki dji n' aveu nén toutchî dvant ç' moumint la, so ds ôtes pordjets Wikimedia. Dj' a sogne ki vs serîz passé a costé d' ene sacwè dins ces cas la.

Des sourdants ? Dji vs vou bén croere, mi !

Dji vos leye croere ki vos vloz. Les sourdants sont dzo l' seccion « Referinces eyet sourdants ».

A, Sam', vos purdoz ene drole di voye, la… Des idêyes, i nd a des meyes et des meyes, et on nd a tchaekonk des cints et des cints. I gn a nolu, et surmint nén mi, ki vos va-st espaitchî d' eplaidî on live po diswalper les vosses. Mins 'çki Wikipedia est l' meyeuse plaece po l' fé ? Èm-n amisse Djan Nolu inmreut fé ene årtike sol Diu Tchikaka del tribe (tribu) des Wapipis ki vicnut sol planaete Kloak, djusse paski ça egzistêye e s' tiesse. Foirt bén, k' i screye on live dizeur, djel lirè surmint…

Dj' inme li crake ki vs av abouté, cwek' ele ni nos avance nén. Copurade ki dj' a les pinses ki vos m' « canlez » ene miete. Mins nerén, dji so-st ene sakî ki saye d' vir l' bon costé amon tertot. Shuvanmint, dji croe k' c' est seulmint ene pitite brôde d' adjinçmint d' vo fråze. Ça n' espaitche nén k' el fond, virpus el bén-fond, d' vo tuzaedje n' est nén bouté comifåt ; do moens, po mi. Dji n' so nén droci po dner mes avuzions so ké suddjet, dji so droci po fé roter ene eciplodeye. Comprindoz ?

Tinoz k' asteure, vos fijhoz come vos vloz, dji n' vos vou nén candjî : vos vos ploz rapåjhî avou ça. Si vos vloz k' ene djin vos fwaixhe candjî d' opinion, ci n' est nén a mi k' i fåt dmander. Houte di çoula, vos n' av nén dandjî d' m' acertiner ki vos n' sayîz nén di m' fé candjî d' opinion. Dj' el sai foirt bén, ni transixhoz nén avou ça nerén.

Ki ça vos våye bén,

--Èl-Gueuye-Noere (Ene sacwè ? => Dijhoz-m' el !) 29 di måss 2023 a 08:21 (UTC)

Vos n' m' avoz nén comprin, et c' est foirt damadje ! Reptilien.19831209BE1 (copene) 30 di måss 2023 a 07:32 (UTC)