Courcele

Courcele
Courcelles

(Detays) (Detays)
Eplaeçmint del comene dins l' province
Lingaedje oficir	Francès
Lingaedje coinrece	Walon do Coûtchant
Borguimwaisse	Caroline Taquin
Eplaeçmint	- Arondixhmint di Tchålerwè - Province do Hinnot - Walonreye - Beldjike
Sitindêye	44,24 km²
Peuplåcion (asteure)	+/- 31.309 dimorants
Dinsité (asteure)	$31309\div 44,24=707,71$ dimorants/km²
Coisse d' eure	ECG (ECG+1) / CEST (UTC+2)
Preficse telefonike	(+32) 071

El Grand Courcele, etimolodjicmint el Grande Courcele ([FR] Courcelles), c' est ene rebanêye comene di Walonreye, e l' province do Hinnot.

Djeyografeye

Ban d' Courcele

Lisse des ancyins pitits bans - Limeros del posse

• Courcele (viyaedje) -- 6180
  • El Lîtchamp
• Gowi -- 6181
• Sovret -- 6182
• Trejhniye -- 6183

Idrografeye

• Li Tchenå Tchålerwè-Brussele
• Li Pieton

Istwere

Dizo l' Ancyin Redjime, gn aveut troes signeurreyes (Courcele, Riyanwé eyet Hamål) mins fok ene pårotche ki comprindeut eto Sovret.

Li 18 d' awousse 1944, 27 djins dont 19 rezistants do Payis d' Tchålerwè (dont 'l doyén curé Pierre Harmignie) ont stî touwés pa des Recsisses. Èç etrevén est lomé les "Moudes di Courcele".

Industreye

Courcele est metowe so l' aschate bijhrece do bassin houyî. Dispu li 15inme sieke, on-z î a saetchî å tcherbon. Çou k' a fwait mo do bén al houyreye di Courcele, ci fourit l' raloyaedje pa tchmin d' fier å tchenå Tchålerwè-Brussele (1848). L' ovraedje dins les fosses a duré disk' e 1965.

Ôtès industreyes: clawtireyes (divant 1840), glaeçreye, brictreye (gn a bråmint del diele dins tere a Courcele), veultreye (disk' e 1979).

Tuzance walone

Sicrijheus d' walon

• Omer Bastin,
• Armand Deltenre
• Michel Meurée
• Raymond Lequeux

Accint walon

pårler walon ki saetche pacô après li ci do Cinte:

• pangn; fangn, mangn (pwin, fwin,mwin);
• indicatif erirece avou -oût: i mindjoût (i mindjive).

Eredjistrumint

• Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Michel Meurée avou l' accint d' Courcele pol Djåzant atlasse éndjolike des lingaedjes di France et d' avår la.

Adjermelaedje

• Guémené-Penfao (France)
• Artogne (Itåleye)

	Rebanêye Comene di Courcele
Pitits bans: Courcele | Gowi-dlé-Pieton | Sovret | Trejhniye
Hamteas di Courcele : El Lîtchamp | Rguignî | Trî ås Agneas Hamteas di Gowyi : El Flechère | Mont-del-Chive | Morelmont Hamteas di Sovret : Shijh Periers Hamteas di Trejhniye : A fé