Aller au contenu

Del Ruwane å Bwès Djilèt (noveles)

Èn årtike di Wikipedia.

Dèl Ruwane au Bwès Djilèt

Dèl Ruwane au Bwès Djilèt, c' est ene ramexhnêye di noveles da Émile Gilliard. Elle a vudî e 2000, dins on limero speciå des Cayés walons (63inme anêye,  7-8, djulete-awousse 2000). Pus tård, ces noveles la ont stî rprijhes dins l' live Paskéyes d’ avaur ci.

Contnou do live[candjî | candjî l’ côde wiki]

I gn a cénk noveles dins l' live :

  • One chandîye po lès cias do Rabot : ene novele di stîle « emacralé reyalisse », ki raconte li paskeye d' on hamtea ewou çk' on djoû i cmince a ploure sins pus djoker, des samwinnes å long.
  • Li feume do Bwès Djilèt : ene istwere di crodjambot, ki raconte comint des efants ont discovrou l' vraiy sol l' feme å havet ki leu-z a fwait bén peur.
  • Lès cruwaus d'Ârdène : li seule novele del ramexhnêye ki n' est nén sitouweye do costé d' Moustî-so-Sambe ; c' est ene amuzante istwere ki cåze d' on cinsî ki seye des crouwås tos ls ans, tins do fenåmoes.
  • Li Ruwane : ene tote coûte istwere, ki cåze d' on ri lomé « li Ruwane », k' a stî impôrtant po on valet, do timps di s' djonnesse.
  • Lès-èfants do Bwès do Duc : ene paskeye réalisse et « moråle », ki cåze d' ene feme rinoyeye pa s' famile pask' elle a maryî on ome ki ses parints veyèt evi.

I gn a on motî d' deus pådjes al difén do live.

Les cénk noveles ont stî scrîtes radmint, etur li 10 di måss et li 3 d' avri 2000.