Dicåçtaedje d' on live

Dicåçtaedje do live "Rimas did dinltins" pa Emile Petcheur (2005)

Lucyin Mahin (divant) et Joël Thiry (padrî), ki fjhèt do dicåçteu

Li dicåçtaedje d' on live (on dit eto: li sinaedje), c' est l' metaedje d' on siné sol prumire pådje divintrinne pa l' oteur.

On tchanteu el pout fé so ene plake.

Li dicåçtaedje d' on live si fwait l' djoû do strimaedje u dins ene fôre ås lives u on mostra, la k' les scrijheus vnèt passer on moumint.

Li dicåçteu mete ene tourneure classike, s' i n' a nén l' tins, u k' i n' kinoxhe nén trop bén l' atchteu do live. I pout eto mete ene sacwè esprès po l' lijheu.

dicåçtaedje mitan e walon d' on live e francès

Li dicåçtaedje des lives e walon esteut sovint fwait e francès; tolminme a pårti des anêyes 1970, on trouve des dicåçtaedjes e walon. Gn a des scrijheus e walon ki n' sinént leu live k' e walon, come L. Mahin.

L' imprimeu pout adjnçner si prumire pådje divintrinne po leyî on grand vude ådzeu, po li scrijheu î poleur sicrire on spès dicåçtaedje a si åjhe.

Sacwants dicåçtaedjes so des pådjes Wiki di scrijheus e walon

• Michel Francard
• Jacques Morayns
• Henri Van Cutsem

Sacwants dicåçtaedjes e walon

Les scrijheus d' lives e walon diçåçtêynut pa des côps leus lives e walon. Mins ci n' est nén todi l' cas.

• 
  di Michel Francard
• 
  di Lorint Hendschel
• 
  di Joseph Minet

Parey po les tchanteus, po leus stroetès plakes

• 
  di Guy Cabay
• 
  di William Dunker