Dictionnaire général de la langue wallonne (pordjet 1900-1963)

Diccionaire djenerå do lingaedje walon

Pol discramiaedje des årtikes avou l' mot « Diccionaire djenerå do walon », loukîz cial.

Li Diccionaire djenerå do lingaedje walon ki s' no esteut e francès: Dictionnaire général de la langue wallonne, c' esteut on pordjet enondé pa Auguste Doutrepont et Jean Haust, k' a-st atake e 1900 ey a stî porshuvou (bråmint pa Jules Feller) diski 1963, la k' il aveut-st arivé al lete Ag.

Li minme såme a stî rprinjhe po djusse li Walonreye walon-cåzante e 1992, dizo on no walon li Diccionaire di Tot l' Walon, k' est todi e-n alaedje.

Contnou

I rashonnéve les mots di tote li Walonreye romane, dj' ô bén, totsu bén pol walon ki pol picård eyet l' gåmès (l' adire inte les troes lingaedjes n' esteut nén co bén clair e li cmince do 20inme sieke).

Eplaidaedjes

Les mots estént eplaidîs dins ene rivuwe lomêye «Bulletin du Dictonnaire Wallon» (Bultén do Diccionaire walon).