Dierinne aroke (tecses)

Èn årtike di Wikipedia.

Dierinne aroke (dérène aroke), c' est on live avou ene schôtlêye di tecses da Amanda Dechamps, parexhowe ås eplaidreyes do Bourdon e 2003, èn an après l' moirt del sicrijheuse.

Les tecses avént ddja stî edités dins l' gazete do minme no do 1984 a 2002.

L' enimådjaedje est da Marie-France Oogwit.

Adrovaedje[candjî | candjî l’ côde wiki]

Il est scrît pa Danielle Trempont.

Dji vos voe co, Amanda, come si ça s' pasreut ayir. Nos estans nos deus ashîtes so on banc. On påle di tot, on påle di rén. On påle do tins k' i fwait, do tins ki passe. On påle di nos djoyes, des poennes, des ptits bouneurs, des tourmints, des disbåtchances, et vos m' dijhoz: «c' est çoula l' veye !»
(…)
Vos, Amanda, aou l' pitit no k' vos parints vos avént dné, vos n' polîz esse k' ene feme al dinêye.