Djihan d' Nivele (tchanson)

Djihan d' Nivele c' est ene tchanson ki shonne esse tipike del Roman Payis. Les studiants del Noû-Lovén del redjonale Brabant Wallon (BW) end ont fwait leu tchant. Li persounaedje del tchanson c' est bén seur li ci askepyî pa Michel Renard.

I s' tchante d' abôrd avou l' accint d' Nivele (Çou ki fwait k' el rima moirt - fåbour dvént moûrt - fauboûr).

Les paroles, e rfondou, c' est :

Cwand Djhan-Djhan a dischindou

Avou l' rowe di Mont a s' cou

Abiyî e pelerin

Po fé rire tos les djins

(Erfrin)

Vive Djhan-Djhan, Vive Djhan-Djhan

C' est l' pus vî ome di Nivele

Vive Djhan-Djhan, Vive Djhan-Djhan

C' est l' pus vî di nos abitants

Cwand l' pieuve met l' Dodinne a boirds

Ele disgolene so s' grands coir

Mins cwand l' solea est a s' djeu

Vos dirîz k' i va prinde feu

(Erfrin)

Par niût minme sins clair di bele

I rlût come ene grande estoele

Les tchawe-soris les tchafåds

L' guidant dvant d' sorti d' ès trô

(Erfrin)

Dispu k' i n' tape pus dsu s' cloke

I doime sovint come ene soke

Viyîz k' e tcheyant s' mårtea

L' rewoeyreut pa ses årteas

(Erfrin)

Lu k' esteut ddja vî tchoupere

Po les parints d' nos grand-peres

Onk shuvant l' ôte i nos voet

Monter l' fåbour Tchålerwè

(Erfrin)

Cwand dj' passe a vuwe di s' tourete

Dji lyi fwait rade ene clignete

Dji l' vôreu tchôkî do cousse

E lyi djhant “ c' est mi vî cousse „

(Erfrin)

Cwand Djhan-Djhan i serè moirt

On l' moennrè djusk' å fåbour

Avou ses deus pîs padvant

Eyet s' bodene å mitan

(Erfrin)