Do slam e walon (plake di muzike)

Do slam e walon (Dè slam è walon), c' est ene sitroete plake di slam, la k' Marcel Slangen dit ses powezeyes, so ene muzike da Philippe Libois.

Il a stî prodût e 2012

Sacwants tites

• Mouze: powezeye so Lidje:

Li cour d' ene veye, ci n' est nén ene catedråle;

Ci n' est nén on palå, ene måjhone comunåle.

Li cour d' ene veye, c' est d' l' aiwe ki court come do sonk

K' apoite tot çou k' i fåt, tot passant al dilongue.

Adon, i shût l' coraedje di Mouze so tote si coûsse a Lidje. Pu, al fén:

Passant dzo l' pont Atlasse, vola Mouze ki nos cwite.

Cwiter? ça n' vout rén dire!

Riloukîz padrî vos: Mouze serè todi la

Po l' Lidjwès letcheu d' baye, po spåmer ses tracas.

Neni, n' åyoz nole sogne: Mouze serè todi la.

• Les gåres

Tot criticant ene miete li nouzome veulire del gåre des Guiymins, i va discrire li gåre di Bressou, k' il a dmoré djusse djondant:

Si on va (ås Guiymins), ci n' est nén po les tréns,

C' est po vey li veulire ki s' sitind ås nûlêyes,

Minme s' end a todi pus ki vikèt sol pavêye.

Mins s' n' estént nén lodjîs divins des draps d' pilou,

End a k' estént a houte, cial, al gåre di Bressou.

Si dji di «cial al gåre», c' est k' cisse gåre, djel kinoxhe:

Dj' a viké e l' måjhone djusse divant; ele ridoxhe

Di sovnances d' on moumint k' n' esteut nén l' «bon vî tins».

Dj' a veyou des sôdårs k' end alént e cwarante,

K' end alént po cwatre ans, et nd a-t i minme sacwantes

K' end alént po todi.

• Årdene

Il î discrît ene pormoennåde e l' Årdene. Li tecse a stî studyî ezès scoles di Bive.

• Les ouys levés

Riloucans Lidje avou l' tiesse ki louke å hôt.

• Sol terasse d' on cafè

I discrît les djins ki passèt.

Les femes, zeles, vis mostrèt çou k' c' est ki d' esse al môde

Minme si des cisses passèt ki n' ravizèt nole ôte.

Li longueur di leus cotes, les coleurs di leus tchveas

Fjhèt ramter les bigotes et sondjî les valets.

• On slam e walon

Li dierin powinme djåze do walon; après ene miete di disbåtchmint, i louke l' avni do lingaedje do bon costé. Li boket a stî rprins eto so ene plake des Droles di lodjeus. A stî eto studyî ezès .

Hårdêyes difoûtrinnes

• Tecses situdyîs ezès scoles di Bive:
  • "Årdene" (p. 4)
  • "on slam pol walon" (p. 5)
• 
  • Dijhaedje do tecse so l' Årdene
  • Dijhaedje do slam e walon