Drapea walon

Li drapea walon håyné pa des djonnes waloneus a l' Elizete, e 2003

A Tchålerwè, åtoû del posteure Destrée, e 2014

Li drapea walon (oficir) riprezinte li cok walon, e rodje coleur, so on djaene fond.

Mins, i gn a des ôtes drapeas nén oficirs.

Drapea oficir

Istorike

C' est l' Assimblêye walone ki cwera après ene essegne pol Walonreye. On-z atåvla : li Peron d' Lidje, ene sitoele, on cok, ene ålouwete, on torea, on singlé, on spirou.

Al fén, l' Assimblêye decida ki ça sereut on rodje cok so on djaene fond". C' est les coleurs del Principåté d' Lidje.

C' est Paul Pastur ki va dmander a Pierre Paulus di dessiner l' ouve.

Li cok da Paulus serè accepté oficirmint li 3 d' djulete 1913.

Après li Redjonalijhaedje del Beldjike, cok walon est ricnoxhou come drapea på Pårlumint walon (15 di djulete 1998), adonpwis, pal Kiminålté francesse (23 di djulete 1998).

Varyistés

• 

  Prumire varyisté do drapea, 1913.

• 

  Drapea d' el Walonreye etur 2010 eyet 2017.

• 

  Drapea d' asteure.

Drapeas nén oficirs

Drapea raloyisse

Franbråylisse

Li drapea del Walonreye do Franbråylaedje, c' est on drapea del France avou l' cok walon dins l' mitan. Li coleur d' èç cok la est ene rawete pus pourpe. I n' el fåt nén maxhî avou èn ôte drapea, ki lyi rshonne et k' a èn egzagone didins. Ci drapea rola, c' est l' ci då Rapoûlaedje Walonreye-France (mouvmint raloyisse).

Ôte drapea des Cmons d' Wikipedia

Drapea walon avou on cok hårdi bleu so do blanc

Li deujhinme drapea ciddé djondant est seulmint veyåve so Wikipedia, çou ki pout esse rwaitî come èn ovraedje di mierdjin.