Ecostrindaedje
L' ecostrindaedje, c' est ene sôre d' angoxhe ki provént di tot çou k' on pinse ki manceye l' evironmint d' nosse bole, et k' amoenne a croere k' on n' è fwait nén assez ou k' on n' såreut pus rén fé po schaper nosse bole di totes les rujhes po l' evironmint: anichtaedje del nateure, kitapaedje do tins, distrujhaedje des bionaxhes, rascråwes natureles come les feus ou les grossès aiwes, tournaedje a rén di bråmint des sôres di biesses, evnd. L' ecostrindaedje amoenne del pawe, do penin, do mwaijhixhmint, evnd., ki polèt aler disk' al del disbåtchance.
L' ecostrindaedje si voet pus sovint dins les djonnes.
Etimolodjeye do mot walon
[candjî | candjî l’ côde wiki]Li mot "ecostrindaedje", aplacaedje di "eco-" et "strindaedje" a stî ritnou après l' "Bate di Noûmots" (2024) metowe so pî pal comité del Fiesse ås lingaedjes walons. Esse "sitrindou" (on dit eto "esse dins les strinces") vout dire: esse seré, viker on laid moumint et n' è sawè rexhe foû. Les djins ki sofrixhèt d' ecostrindaedje sont dits "ecostrindous, ecostrindowes".
Waitîz vaici li djivêye des mots ritnous pol bate di 2024 (difoûtrin loyén).