Edmond Wartique
| Skepiaedje | 11 di nôvimbe 1893, Vilvôr |
|---|---|
| Moirt | 20 di nôvimbe 1953, Mont-Sint-Wubert (corinveye) |
| Nåcionålité | Bedje |
| Activités | scrijheu |
Edmond Wartique fourit on scrijheu e walon.
I skepia li 11 di nôvimbe 1893 a Vilvôr. I mora li 20 di nôvimbe 1953.
I scrijheut e-n on sistinme Feller timprou, tot notant l' accint d' Årsumont.
Riprins dins l' antolodjeye «Ké bea bouket» et divins les Cayés d' guere des Relîs namurwès.
Di s' mestî, il esteut fonccionaire ås finances pu a l' acsegnmint.
Ouve e walon
[candjî | candjî l’ côde wiki]I mousse dedja ås Relîs namurwès e 1912.
E 1914, al guere di 1914-1918, il est prijhnî a Soltau, la k' il emantche ene «soce des Relîs prijhnîs» avou troes ôtes Relîs : Gustave Arnould, Fernand Danhaive et Édouard Thirionet. Après Soltau, on l' evoya bouter dins des cinses e l' Almagne. Il î porshuva ses scrijhaedjes d' arimés. Elzès va rashonner avou ds ôtes dins «Tote ene veye» (1941).
Mins si tchîf d' ouve a stî do mete so papî ses sovnances di prijhnî e l' Almagne, k' i va copler ås cenes da Edouard Thirionet, po rexhe «Les croes dins les brouwires» (1932).
Èn an après s' moirt, on rsôrtixheut ses dierins scrijhaedjes, des contes foû naturels: «Dierins contes» (1954).
Onk di ses bokets
[candjî | candjî l’ côde wiki]Sicrît al fén di s' veye, il î dit si amour po s' feme et s' plaijhi di rvey ses efants et ses ptits-efants.
 |
|
Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Edmond Wartique po-z enimådjî des mots k' i gn a.
Vos trouvroz des racsegnes so les ouves da Edmond Wartique, u les ouves zeles-minmes, so Wikisourd e walon.- Onk di ses scrijhaedjes dins l' «Guetteur wallon»] (Å Payis Noer, å dzo del pådje, a shuve so les deus pådjes d' après) (mwaisse modêye)
- Bokets des «Croes dins les brouwires» (so l' Aberteke) (rifondou walon)
