Emile Botaye (roman)

Èn årtike di Wikipedia.

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

coviete

Emile Botaye (Emile Boutaye), c' est on roman biyografike sicrît pa Marcel Van Splunter.

Il a vudî e 1964 ås eplaidreyes do Bourdon.

Il a stî saetchî a 500 egzimplaires.

Tinme[candjî | candjî l’ côde wiki]

C' est l' vicåreye d' èn ome di Nålene skepyî e 1873.

Moussî a 10 ans a l' aminwer, il est broûlé e s' figueure pa ene salêye et piede ses deus ouys.

Aveule, i va aprinde li manderlî, pu serè eto vindeu d' petrole, acordeyoneu, tcheron et cåbartî.

Mågré si stroupiaedje, i rescontere ene binamêye comere k' el mareye. Donêye, k' ele si lome.

I va aveur sacwants efant, mins vo n' la-t i nén ki l' prumî a ene maladeye des ouys. El l' oculisse di Tchålerwè pretind k' i n' voerè bénrade pus. Va-t i aveur deus aveules dins l' famile ?

Corwaitaedje do live[candjî | candjî l’ côde wiki]

Li motlî est foirt ritche, nén seulmint po des mots tot setchs, mins eto des tourneures di croejhete k' on n' rescontere nén sovint.

Riscompinses[candjî | candjî l’ côde wiki]

Li roman a fwait on deujhinme pris a ene bate di scrijhaedjes di l' SLLW e 1962.