Erîlêye ratourneure

Les erîlêyès ratourneures, e-n éndjolike c' est ene manire d' ecôder des modeles, des patrons ki plèt-st adon esse ricnoxhous (ou nén) dins on tecse.

Les erîlêyès ratourneures sont-st eployeyes totavå la wice k' on-z a mezåjhe d' ovrer (podbon) avou do tecse, dins les rcweraedjes so les båzes di dnêyes, metans.

Come sol pådje do DTW (vaici).

L' idêye c' est k' on mete des côdes sipeciås po dire çou k' i pout aveur al plaece.

Egzimpes d' erîlêyès ratourneures

Metans: "abc" c' est ene tchinne ewale a "abc"; "a.c" c' est ene tchinne di 3 letes, ki cmince avou "a", finixh avou "c" eyet å mitan ça pout esse tot l' minme cwè. Ça pout esse: "abc", "aac", "acc", "axc", "a c", "a:c", "a/c", "açc", ...

"a[bB]c", c' est ene tchinne ki l' 2inme lete pout esse "b" oudonbén "B": "abc", "aBc"

"a[a-z]c", c' est ene tchinne ki l' 2inme lete pout esse tot l' minme kéne lete di l' alfabet, mins e ptite lete, et sins accint: "aac", "abc", "acc", "adc", "aec", .... "ayc", "azc". "a2c" corespond a "a.c" mins nén a "a[a-z]c".

Etur cwårêyès åtchetes, on dene en shûte di possibes replaeçmints.

Si on-z a ene loyeure, c' est tote li rîlêye etur les deus limites: [0-9] = tos les chifes, 0, 1, 2, 3, ...9

Les rondès åtchetes replaeçèt ene tchinne, eyet avou on "|", on pout dire onk ou l' ôte; metans: "a(ma|mou)gnî" = "amagnî" ou "amougnî".

[abc] = (a|b|c).

Hårdêye difoûtrinne

• Waibe d' esplikêye so les erîlêyès ratourneures (e francès)