Pablo Sarachaga

Èn årtike di Wikipedia.
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Pablo Sarachaga" po-z enimådjî des mots k' i gn a.

(e 2004)

Pablo Sarachaga (on scrît cobén Saratxaga, a môde basse), c' est on rcwereu sol walon, k' a skepyî e 1971 e Tchili, et k' a vnou el Walonreye e 1981. E 1998, il atôtcha Lorint Hendschel po fé des ratournaedjes do sistinme d' operance Linux e walon. Did la, il a moussî dins les rfondeus.

Di s' mestî, il esteut informatikî.

A l' Elizete, e 2004, ki håynêye li drapea walon
cwåte di vizite po s' mestî

Ouve pol walon[candjî | candjî l' côde wiki]

come bouteu et rcwereu[candjî | candjî l' côde wiki]

C' est a cåze di lu kel walon est eployî come langue dins les programes Linux.

Dispu 1989, il est waiburlin tecnike di l' Aberteke, et des ôtès waibes do dominne "walon.org".

E 2002, i fourit eto les cåzes del ricnoxhance do walon pa l' ISO, dizo l' essegne "wa".

E 2000, il aveut enondé l' idêye d' èn esplicant motî do walon. Il a coplé tecnicmint Lucyin Mahin k' a metou l' pordjet en alaedje.

E 2003, i ratourna tot seu l' eterface Wikipedia, po poleur diswalper ene eciclopedeye e walon. Pu ratourner e walon ene banslêye di hagnons k' i gn aveut so ls ôtes Wikipedia.

E 2003, il a eto apontyî on programe po l' codjowaedje des viebes e walon. Did la, trover l' atuze des troes bodjes ki poite si no.

Il a divnou penleu del Rantoele e 2000, et onk des pî-stoks del tåvlotêye rifondaedje del Rantoele. C' est lu k' a astaplé li prumî fond di dnêyes po fé ene ricoridjrece e walon. Et copler Francis Baudoux e 2005, po basti ene ricoridjrece k' on pout eto eployî so les sistinmes d' operance Microsoft.

A pårti des anêyes 2010, I va bråmint rarindjî lo DTW, po ndè fé on fond di dnêyes mo pouxhant.

come sicrijheu[candjî | candjî l' côde wiki]

Mågré k' i n' åye djamåy sicrît des ouves di Belès Letes, il est onk des cis k' ont l' pus scrît e walon.

Ses scrijhaedjes, c' est aprume les ratournaedjes sol Wikipedia walon et po fé sacwants pådjes po l' Aberteke.

Mins c' est ossu tote les bates di dvizes, so des sudjets ordinaire et des sacwès d' linwince, so les djåspinreyes éndjolikes, foiravant Berdelaedjes.

Hårdêyes difoûtrinnes[candjî | candjî l' côde wiki]