Eraire

Èn årtike di Wikipedia.
Potchî a: naiviaedje, cweri
Eraire di bwès, k' on n' voet kel cawe et l' schî

Ene eraire, c' est ene foirt simpe usteye di bwès po tcherwer, avou djusse on schî et ene cawe.

Wiktionary-logo.svg

Po des linwincieusès racsegnes sol mot "eraire", alez s' vey sol Wiccionaire

Istwere et eployaedje[candjî]

eraire avou ene longue håye, et on simpe schî

L' eraire schave li tere, ki brotche des deus costés do schî, å rvier del tcherowe. L' eraire ni tcherowe nén fond. C' est purade sicreper l' tere k' ele fwait (did la s' no en inglès, scratch-plough).

Elle a stî edvintêye el Mezopotameye diviè l' 5inme meynaire divant Dj.Cr.

Å cmince, c' esteut des djins kel saetchént. Pu on-z a atelé des boûs, adonpwis des ågnes, moulets et tchvås.

On moennéve l' eraire ås tchamps tot l' metant so ene siclisse.

E l' Walonreye, elle a stî eployeye disk' e diviè 1950. Les dierins ovraedjes k' on fjheut avou, c' esteut l' aroyaedje.

Elle est co eployeye ouy des ptits cinsîs e l' Afrike bijhrece, po tcherwer dins les tienes, et eto po reterer les mayisses.

Po des linwincieusès racsegnes sol mot "eraire", alez s' vey e splitchant motî.

Discrijhaedje di l' eraire[candjî]

shabot d' l' eraire, k' on va stitchî l' schî d' bwès dvins

Å cmince, li schî esteut djusse fwait avou on stocaesse bwès. Adonpwis, on l' a rascovrou d' on boket d' fier, li shabot.

Après, on-z a fwait totafwait avou do fier. Po-z ateler a deus tchvås, on-z a ralongui l' håye.

On-z a co lomé "eraire" les simpes tcherowes u simpes brabants d' fier mins k' avént on rîsse sôdé après l' schî.