Ernest Benoit
Ernest Benoit a skepyî li 2 d' fevrî 1932 al gåre d' Anloe (Viyance).
C' est on scrijheu e walon. I note l' accint d' après Anloe-Ôtchamp.
Di s' mestî, il esteut mwaisse soyeu.
Ouve e walon
[candjî | candjî l’ côde wiki]Il a sayî bråmint des sôres di scrijhaedjes di prôze : des ratournaedjes di vîs papîs, des sovnances, des couyonådes, li riscrijhaedjes di des fåves do vî vî tins, del prôze nén racontrece.
Ses tecses fourît eplaidîs dins "Coutcouloudjoû", Singuliers, "Aux sources de la Lesse" (l' apasseu del soce d' istwere do ban d' Libin) et dins l' Rantoele-gazete.
Li scrijhaedje est ene miete francijhî, veyanmint ki li scrijheu n' eploye pont d' noûmots. Mins gn a eto ene peclêye di vîs mots walons tipikes.
Si tecse so les soyeus d' long est on modele di fén discrijhaedje d' èn ovraedje foirt tecnike.
Ses pus beas scrijhaedjes ont stî rashonnés dins on live eplaidî e 2015 ey etitré «Bokets tchoezis».
E 2020, il a eplaidî on roman so les nûtons, Lisbete di Cwî.
Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Ernest Benoit po-z enimådjî des mots k' i gn a.
Vos trouvroz des racsegnes so les ouves da Ernest Benoit, u les ouves zeles-minmes, so Wikisourd e walon.- Pådje di ses scrijhaedjes e rfondou (so l' Aberteke)
- Mwaisse modêyes di sacwants tecses (sol waibe "Li walon d' emon nozôtes")
