Anloe
Anloe (avårla, on prononce Anlè u Anlë; fr: Anloy) c' est èn ancyin ptit ban del Walonreye, rebané avou Libin.
- Limero del posse: 6890 (vî limero 6912)
- Limero diyalectolodjike: Ne 31
- Nombes di dmorants : 399 (2004)
- Arondixhmint: Li Tchestea
- Sipotaedje des djins: Foixhetes (so plaece Fwâchète) u Schoupletes (so plaece : Chwapletes).
- Rime-rame: A Our, li diåle î court; a Maissin, on l' ratind; a Anloe, on l' fote sol toet, a Viyance, on lyi fote so s' panse, a Transene, on lyi fote so s' schene; a Smu, on lyi fote so s' cou et ås Libins, on l' pind.
Po les vîs scrijhas, les disfondowes et l' etimolodjeye, alez s' vey e splitchant motî.
No di des plaeces d' Anloe[candjî | candjî l’ côde wiki]
Hamteas d' Anloe[candjî | candjî l’ côde wiki]
- Les Peteles (Lomaedje des djins: les Petlîs).
- Li Rotchete (avårla, on prononce La Rotchète, al Rotchète)
Djeyografeye[candjî | candjî l’ côde wiki]
Raiwî pa l' Aiwe-di-Lesse ki vént d' Ôtchamp, et cori so Maissin.
Cwî[candjî | candjî l’ côde wiki]
Padzeu li Rotchete, li long di l' Aiwe-di-Lesse, on pout vey on grand crin d' rotche k' on dit ki lodjeut dinltins les Nûtons (Pépés). Dins l' mitolodjeye walone, les nûtons c' ere des ptits omes ki dmorént dins les rotches et k' on n' veyeut jamwais, ca i n' rexhént ki tins d' par nute. Il estént foirt serviåves po les djins. Gn aveut k' a lzî poirter des solés a rassavter et lzî mete di l' amougnî et del låme et li londmwin å matén, les solés estént rarivés bén rfwaits. Mins, i n' faleut nén les manker, ca, adon, il avént vite fwait di s' rivindjî. On pout co vey divant l' rotche dilé l' aiwe, creuzés dins l' pire, des trôs come des schieles k' on dit k' i vnèt do rawijhaedje di leus usteyes. On menir di 5-6 metes est coûtchî dlé l' intrêye del grote. Gaston Lucy raconte dins La coumére ki pètot li spoûle d' on nûton k' aveut volou vni vey les comeres a Our.
Istwere[candjî | candjî l’ côde wiki]
Bråmint des djins touwés et des måjhons broûlêyes al guere 1914-1918.
Dipus d' racsegnes so Anloe[candjî | candjî l’ côde wiki]
Hårdêye difoûtrinne[candjî | candjî l’ côde wiki]
- Fåve do Trô do Bok a Anloe (ramexhnêye pa E. Benoit).