Aller au contenu

Estoeles (powinmes)

Èn årtike di Wikipedia.

Èstwales

Pol discramiaedje des årtikes avou l' mot « estoeles », loukîz cial.

Estoeles (Èstwales), c' est ene ramexhnêye di powinmes al libe, sicrîts pa Jacqueline Boitte, ey eplaidî pa Tétras Lyre e 2020.

Ces powinmes la ont rascodou l' Pris d' powezeye 2020 del Federåcion Walonreye-Brussele.

I sont publiyîs avou l' ratournaedje francès vizon vizu (sol droete pådje).

ISBN 978-2-930685-56-4

Contnou[candjî | candjî l’ côde wiki]

C' est tos bokets d' libe powezeye (sins rime ni pîtaedje).

Egzimpe di powinme[candjî | candjî l’ côde wiki]

A l' Estoele
Nén l' tins di rsouwer les veres !
El robinet del pompe
Court sins djoke.
E cåbaret d' l' Estoele,
Les suporters
Erfijhèt l' match.
I n a
L' pitit Milo
Ki strive k' i n aveut penalti.
I n a
L' feme Djan
Ki suce ès porto
Tot e blefant sol dos di s' bele-sour.
I n a eto
S' vijhene
Ki rconoxhe sins poenne
K' i fåreut ddja k' el kîpe ndalaxhe rade
Po lyi dmander deus côps.
I n a
Les gaméns rujhûles
Ki fjhèt emarvoyî l' tchén Pepere Victor
Ki grogne padzo s' moustatche
Ebernêye d' eschome.
Adon,
E moncea ki creye,
i n a
Leye
Mierseule
Astokêye å contwer.
Padrî l' bleu fard
On advene les låmes
Ki ont trop sovint
Dilavé ses iys
Sins pus nole blinkêye…
Pocwè
Tenoncô
Èç'-n inveye la
Di l' erserer dins mes bresses ?

Hårdêye difoûtrinne[candjî | candjî l’ côde wiki]

Li live mon l' eplaideu