Libe powezeye
Ene libe powezeye, c' est on scrijhaedje powetike ki n' shût nén les lwès des powinmes erîlés.
Mwaissès piceures[candjî | candjî l’ côde wiki]
- I gn a nén tofer des rimes (end a sovint kékenes a des moumints k' i gn a).
- El pîtaedje pout esse diferin d' ene plaece a l' ôte. Gn a sovint des foirt courts vers. Mins ça pout esse ossu des vers di 15 pîs (come les cis da Michel Robert)
- Les strofes sont eto basteyes al libe.
- Gn a toplin d' ascoxhmints (fråze u fråzlete k' asdjambele so deus vers).
Diferince avou l' prôze powetike[candjî | candjî l’ côde wiki]
Li diferince avou l' prôze powetike, c' est ki l' libe powezeye est prezintêye a môde di vers, adon les bokets d' fråze n' ont nén dipus k' 12 pîs.
Libe powezeye e walon[candjî | candjî l’ côde wiki]
Li libe powezeye e walon n' a cmincî ki sol difén do 20inme sieke.
Metans, dins l' grosse antolodjeye Piron, la k' les oteurs sont metou cronolodjicmint, on n' è trouve k' a pårti di Marcel Hecq (p. 496).
Sacwants scrijheus di libe powezeye[candjî | candjî l’ côde wiki]
- Jacqueline Boitte (metans, dins «Estoeles»)
- Jacques Desmet (so Wikisourd)
- Joseph Dewez (ezès «Cayés walons»)
- Émile Gilliard (come dins «A schipe» u divins «Zouprale»). Divins 50 powezeyes k' il a relî lu-minme e 2010, end aveut 29 fwaite al libe, eyet co 8 avou des bokets al libe, astok di bokets arimés.
- Marcel Hecq (dins l' Antolodjeye Piron, p. 496).
- Émile Hesbois (come dins «Pitits mots do dimegne å matén»)
- Dominique Heymans (metans, divins «Plouves»)
- Lucyin Mahin (so Wikisourd)
- Julien Noël (ezès «Cayés walons»)
- Jean Rathmès (dins l' Antolodjeye Piron, p. 542)
- Michel Robert (so Wikisourd)
- Léon Warnant (dins l' Antolodjeye Piron, p. 598)
Egzimpes[candjî | candjî l’ côde wiki]
 |
|
- da Jacqueline Boitte
- da Jacques Desmet:
so Wikisourd: Alzheimer - da Emile Gilliard
- da Marcel Hecq: so Wikisourd: El consyince
- da Lucyin Mahin: so Wikisourd: Brouheurs
- da Michel Robert: so Wikisourd: Lès fleûrs di tonwêre
