Firmin Callaert

Èn årtike di Wikipedia.
(Redjiblé di F. Callaert)
Sauter à la navigation Sauter à la recherche

Firmin Callaert, a skepyî a Dårmè li 20 di måss 1899 ey a morou a Marseye e 1952.

Firmin Callaert a scrît dins les pus beas lives di prôze e walon do Payis d' Tchålerwè.

Il a bråmint scrît sol tchôke des houyeus. So ç' sudjet la, il a ratourné deus romans da Henri Deligne : "Dofe, mwaisse-porion do l° 2" (1935), ki l' a fwait cnoxhe lon et lådje, eyet "Fosse" (1944). C' est eto des houyires k' i djåze dins s' ramexhnêye di contes, "Avou ene hatche et on bos d' voye" (1936).

Foû do monde del fosse, il a eto raconté des sovnances di si efance : "Istweres d' on gaviot" (1937). s noveles la fourît prumêyes ås bates des Relîs e 1934.

Il a eto cpôtyî s' pene po scrire des arimeas. Sacwants ont stî ramexhnés dins "Inte les tchôkes" (1942).

Il a eto scrît ene ramexhnêye di contes foû-naturels, "Boignes contes" (1941).

Al fén del guere di 1940, i s' a dvou essåvé el France, et mete ene ahote a l' eplaidî d' ses scrijhaedjes, k' il aveut ddja portant apresté :

  • Dartagnan, shofleu d' grand-plaece
  • L' evandjîle Sint-Djhan
  • L' acî (co on live da Henri Deligne ratourné)

Il aveut eto recråxhî "Avou ene hatche et on bos d' voye".

Di s' mestî, il esteut tecnicyin dins ene fosse, pu fonccionaire al veye di Tchålerwè.

Ses eplaidîs lives[candjî | candjî l' côde wiki]