Frambråylisse

Li frambråylisse, télcô lomé tot biesmint « raloyisse », c' est l' poûssåjhe di sacwants Walons yet Francès ki volnut esse eshonne. Li France ava, e-n efet, colnijhî l' Walonreye etur 1794 yet 1815 : l' anêye wice k' elle ava stî tchesseye evoye al fén del Batreye di Brinne-l'-Alou (purade kinoxhou sol no del batreye di Waterlô dins les ôtes lingaedjes).

Drapea

Li drapea do frambråylisse.

Li drapea del Walonreye do Frambråylisse, c' est on drapea del France avou l' cok walon å mitan. Li coleur d' èç cok la, c' est ene rawete pus pourpe ki sol Drapea walon. I n' el fåt nén maxhî avou èn ôte drapea, ki lyi rshonne et k' a ene aslete didins. Ci drapea la, c' est l' ci då Rapoûlaedje Walonreye-France (mouvmint raloyisse).

Rilomés frambråylisses

Francès

• Marine Le Pen : elle a clatchî a Knack, gazete flaminde, k' ele vôreut bén ascoyî les Walons el France.
• Jean-Luc Mélenchon : il a scrît platezak so si waibe après les vôtaedjes federås do moes d' djun 2010.
• Éric Zemmour : il a dit accepter d' ascoyî les « Lidjwès do dipårtumint d' Oûte ».

Walons

• Daniel Ducarme : sapinse a lu, i n' est nén frambråylisse, mins, todi sorlon lu, si l' Walonreye s' ertrouvreut sins l' Flande, i fåreut s' assocyî avou l' France ; metans, dner li pouvwer di mwints ministeres a ç' payis la.
• Paul-Henri Gendebien : tins d' ès vicåreye, il a stî li prezidint do mouvmint raloyisse « Rapoûlaedje Walonreye-France ».
• Jules Gheude : i scrît sovint des årtikes dins des gazetes francesses, walones u co flamindes.

Pårti politike

• Rapoûlaedje Walonreye-France