Freddy Walbrecq

Freddy Walbrecq, c' est on scrijheu e walon.

C' est eto on mårtcheu. Il est mwaisse taburî po ene des catoize soces di mårtcheus d' Twin, li Cpagneye Sint-Rok.

Ouve pol walon

I scrît des bokets ki sont-st eplaidîs dins l' gazete Le Marcheur de l'Entre-Sambre-et-Meuse. I scrît tot notant l' accint d' Twin.

Il a eto stî eplaidî dins l' Bourdon (avou l' accint d' Tchålerwè). Il î a fwait mete on boket foirt filozofike, «Dè l'univêrs ô cassâdje di vêre».

Boket foû d' onk di ses scrijhaedjes

Nos avans dins no coir pus d' set miyårds di miyårds di miyårds di poûssires d' estoeles, çou k' on lome les atomes.
S' i gn a on sinse padrî l' univier, adon, i l' est eto dins nozôtes-minmes, dins nos poûssires d' estoeles.
Et c' est on sinse ki nos pårtaedjans tertos, inte di nozôtes les djins, mins eto avou les biesses (les vatches et les araegnes…) et les plantes (les åbes et les pixhelét…) eyet tot çk' i gn a åtoû d' nos, les cayôs, les rivires, les nouwaedjes. C' est ene sacwè ki nos raloye a tot ey a tertos.

El loyén inte nozôtes e l' univier, vola çki m' a metou e l' djoye, i gn a sacwantès dijhinnes d' anêyes; çou ki m' a vraiymint fwait passer houte d' èm-n angoxhe di l' univier.

Eyet ça a stî co pus lon k' ça. Èç loyén la a dné on sinse a m' vicåreye : fé rashonner les djins åtoû d' ene afwaire, d' ene sacwè k' i pårtaedjnut. Todi rwaitî po comincî çou ki raprotche les djins, divant d' vir leus diferinces.

(…)

Rola, on fwait vårmint viker l' loyén etur les djins po lzî dner del beaté et do bouneur, sins s' ertourner di ds ôtès sacwès.