Porcession d' l' Eter-Sambe-et-Mouze
Ene porcession d' l' Eter-Sambe-et-Mouze, pus sovint lomêye sorlon on calcaedje do francès måtche di l' Eter-Sambe-et-Mouze (avår la, sovint prononcî: mârche di l' Intrè-Sambe-èt-Mouze), c' est ene porcession a l' oneur d' on sint.
Avou l' tins, ces porcessions la ont divnou des «måtche foclorike», dj' ô bén, on rotaedje di costumêyès djins, mins sins piede leu caractere rilidjeus. Ele sont tertotes dicåçtêyes a on sint.
End a dins bråmint di veyes et viyaedjes di l' Eter-Sambe-et-Mouze do moes d' may å moes d' octôbe.
Mwaissès dnêyes
[candjî | candjî l’ côde wiki]
Cisse uzance la s' a diswalpé diviè li 16inme sieke, a pårti d' ene porcession dicåçtêyes a on sint (ene sinte). Les pelrins estént todi aconcoistés d' ene pitite trope di djins e-n åres.
Asteure, tos les roteus sont moussîs avou des costumes des prumîs et troejhinme impires.
Sacwantès måtches si fwaiynut tos ls ans, et des ôtes tos les 7 ans (måtche Sint-Foyin a Fosse).
Disfindaedjes
[candjî | candjî l’ côde wiki]Elle ont stî disfindowes do tins do Redjime francès.
Ey eto tins del prumire guere daegnrece (e 1915, 1916 et 1917) et deus anêyes tins del deujhinme (1940 et 1944, elle ont stî otorizêyes, dins certinnès condicions, e 1941, 1942 et 1943)[1]
Elle ont ristî disfindowes e 2020 di cåze del minêye di gripe chinwesse.
Sacwantès måtches
[candjî | candjî l’ côde wiki]- Berzêye:
- Djerpene (måtche Sinte-Rolande): londi d' Pintcosse.
Loukîz a : Porcession Sinte-Rolande di Djerpene
- Djumet (måtche del Madlinne): li wekene d' après l' 21 di djulete.
- Florene (måtche Sint-Pire): prumî wekene do moes d' djulete.
- Fosse (måtche Sint-Foyin).
- Fraire: (måtche Sint-Guilin.
- Gourdene (måtche Sint-Walere): troejhinme wekene do moes d' djun.[2]
- Ive-Gomzêye: c' est l' dierinne di l' anêye.
- Môriamé (måtche Sint-Pire): å cminçmint do moes d' djulete.
- Gochliye (toû Sint-Djan): wekene d' après l' 26 di djun.
- El Bourk: (måtche Sint-Rok): å 15 d' awousse.
- Hanzene (måtche Sint-Odjî).
- Marbé (toû-Sinte-Croe): li 1î dimegne di may.
- Prî (måtche Sinte-Ranfrwè): ås sints d' glaece; li prumire måtche di l' anêye.
- Tårciene (måtche Sint-Fiyake).
- Tchestrè: li cwénze d' awousse.
- Tî-l'-Tchestea (måtche sints Pire et På): prumî wekene do moes d' djulete.
- Walcoû: dimegne d'après l' Pintcosse (Trinité)[3]
Alére
[candjî | candjî l’ côde wiki]- Sifes, tambourîs ey’ ûlôds (live da Michel Robert)
- Le Marcheur de l'Entre-Sambre-et-Meuse (gazete)
Sourdant
[candjî | candjî l’ côde wiki]
- ↑ Do moens pol måtche del Madlinne, sorlon Pierre Arcq, El Bourdon, l° 727, djun 2020.
- ↑ Racsegnes dinêyes pa des djins did la a Uzeu:Lucyin li 12 di djun 2020, avou les cenes po Berzêye, Tî-l'-Tchestea, Tchestrè, Fraire, Ive-Gomzêye, Tårciene, Prî et Hanzene).
- ↑ Sifes, tambourîs ey’ ûlôds pp. 322-325.