Georges Ducarme
Georges Ducarme (1888-1961), c’ esteut on rcwereu so l’ Istwere coinrece do payis d’ Chevri-Rance.
Avou ça k’ il a scrît sacwants tecses e walipicård del Bote, inte di zels, ene vintinne di fåves oridjinåles.[1]
Et ramexhner ene fåve do vî vî tins, Poté eyet Fraijhé, et eto des spots avou des spepieusès esplikêyes.[2]
Egzimpes di ses fåves
[candjî | candjî l’ côde wiki]- El live eyet les molons
- On bea live erloyî ki contneut les matires
- Di totes les syinces utiles aveut stî la fotou
- Dpoy des longuès anêyes so l’ copete d’ ene årmwere.
- Pa des djins foirt bôrnés et d’ èn esprit cloyou.
- Profitant di çoula, tote ene nindje afamêye
- Di pexhons et d’ molons avént miné l’ boukin
- Repant el covierteure, forant, trawant inddins
- Tantea ki totes les pådjes avént stî sacmandêyes (sacramentêyes)
- Et k’ on åreut pu seu lire deus lenes d’ afilêye
- “Tolminme, gn a pont d’ bon sinse”, k’ i dit l’ live ås molons
- “Di sacadjî linsi tote el syince concintrêye
- Dins mes pådjes k’ on savant av leyî come on don
- Po k’ el monde è profite, come des råles avantaedjes.”
- “Vraiymint”, k’ I respondît les oteurs do ravadje
- Vos lçons, on n’ end a d’ keure; çou ki conte, c’ est l’ profit
- K’ vo vî papî nos a forni.
- Si vos avoz on rprotche a fé,
- C’ est å cis k’ on dit d’ ene raece si avanceye
- Et ki s’ leyèt si åjheymint piker l’ råjhon
- Pa nozôtes, les molons.