Gripe di Honconk

Èn årtike di Wikipedia.
Sauter à la navigation Sauter à la recherche

Li gripe di Honconk, ci fourit ene minêye daegnrece di gripe k' ataca a Honconk e moes d' djulete 1968 (dandjreus vinant del Chine).

Cåze[candjî | candjî l’ côde wiki]

C' esteut on micsovirûsse del sôre H3N2.

Minêyolodjince[candjî | candjî l’ côde wiki]

Rôlaedje del minêye[candjî | candjî l’ côde wiki]

Di Honconk, ele passe ezès Stats Unis, la k' elle va fé 50.000 moirts so troes moes, al fén d' l' erî-såjhon et å cminçmint d' l' ivier.

Li virûsse a l' air d' awè disparexhou e 1969, tantea ki les especiålisses di l' ODH (OMS, WHO) li loucnut come di l' istwere schoyowe e leu grand raploû d' octôbe 1969. Mins l' piyindje ratake e l' Urope di l' ivier 1969-1970.

Dinêyes minêyolodjikes[candjî | candjî l’ côde wiki]

Li gripe acsujha totes les classes d' ådje, les 20, 30, 40 et les pus vîs.

E l' Beldjike[candjî | candjî l’ côde wiki]

Mågré ki les gazetes n' è cåzèt cåzu nén ‒ udon minme po s' fote ‒, i shonne ki l' maladeye a bouxhî djus bråmint des djins. Insi, Le Soir sicrît k' i gn a 10 a 25 åcint d' eployîs et ovrîs ki n' sont nén la dins les administråcions et les eterprijhes.

Nou rcweraedje sincieus ni fourit fwait do tins del minêye, k' est waitêye come ene laide gripe d' ivier.

Tot ristudiant li sormorance di ces moes la, on a aviré on totå d' moirts di 10.000 djins.[1]

Sourdants[candjî | candjî l’ côde wiki]

  1. André Lambert (ADRASS (a-z aveuri)), tot raspepiant les chifes des statistikes del Beldjike, cité dins La Libre 20 d' avri 2020.