Guy Fontaine

Guy Fontaine, c' est on scrijheu e walon do payis d' Wareme.

Il a vnou å monde a Wareme li 31 di måss 1945 ey a morou l' 26 di fevrî 2026.^[1]

Il a stî relî dins l' Antolodjeye Scrire.

Di s' prumî mestî, il esteut gaztî. Il esteut eto priyesse ortodosse.

Ouve pol walon

Il a eto stî produjheu d' emission d' tévé sol walon «Wallons-nous».

Pol posse, il a foirdjî dipus d' 700 coûtès emissions avou do cåzaedje mitan walon mitan francès, po-z espliker des spots : les "Mots wallons de Guy Fontaine".

Il esteut SLLW-î; i fourit minme prezidint del soce di 2004 a 2012.

Sicrijhaedjes

Les mots walons.
Floricontes di Noyé (eredjistrés so ene plake lazer, «La pastorale des santons wallons èt qwate contes di Noyé»).
Pol teyåte ^{(a-z aveuri)}
Come cåzaedjisse : i rmeta e walon bråmint des tchansons francesses da Véronique Roba.

onk des «mots walons» (sol savtî ki rene, 1996)
avou Emile Gilliard (raploû SLLW, Nameur, 2009)
avou Djôr Sfasie (strimaedje di Gabriyel et Gabriyel, Lidje, 2012)
coviete del plake avou cwate contes di Noyé e walon
Kimince di s' floriconte di Noyé «Les esprindeus d' lampe» (2015)

Sovnance di si ovraedje pol walon

On grand monsieu s' endè va a costé do Ci ki xheye li toele.
Binamé camaeråde Guy Fontaine, vos m' avoz mostré kimint scrire li walon. Vos avoz metou toplin d' mes tchansons e walon. Vos avoz rindou nos swerêyes madjikes. Avou mes parints, on les rawårdéve. Vos m' avoz dné l' ocåzion do fé des plakes e walon. Po tot çoula, dji vs rimerceye do pus parfond di m' cour, minme si m' walon n' est nén todi djusse.

Årvey, Guy ! Ki l' loumire soeye so vosse voye.^[2]