Henri Forir

Henri Forir

Skepiaedje	29 di nôvimbe 1784, Hesta
Moirt	11 d' avri 1862, Lidje
Activités	scrijheu

WIKIDATA

Henri Forir (1784-1862) fourit on sicrijheu e walon eyet diccionairî, djeyomete di s' mestî.

Ouve e walon et sol walon

I ramexhna des mots walons dispu 1820, mins si mwaisse ouve, li Dictionnaire liégeois-français n' a parexhou k' après s' moirt, e deus gros lives, e 1866 et 1874. Il î rprind des mots et des fråzes di tos les tchamps del vicåreye, et nén fok li "lingaedje des ptitès djins".

Come sicrijheu, i fourit rlomé long et lådje avou ene paskeye sol mariaedje, a môde di dvinltins, “Li ctapé manaedje” k' a moussî foû e 1836.

I scrijha eto del prôze nén racontrece, “So les bassès scoles do vî tins”, eplaideye dins onk des prumîs bultins del Société Liégeoise de Littérature Wallonne.

Prezidint del minme S.L.L.W. e 1856, i leya ouve, pask' on n' esteut nén d' acoird avou si sistinme d' ôrtografeye, lon erî del cene do francès.

Difoûtrinne hårdêye

• Ene pådje di ses scrijhaedjes (so l' Aberteke)
• Li Wiccionaire si rsieve di sacwantès fråzes da Henri Forir po-z enimådjî des mots k' i gn a.

• Vos trouvroz des racsegnes so les ouves da Henri Forir, u les ouves zeles-minmes, so Wikisourd e walon.
• Vos trouvroz des racsegnes so les ouves da Henri Forir, u les ouves zeles-minmes, so Wikisourd e francès.