Georges Remi

Èn årtike di Wikipedia.
(Redjiblé di Hergé)

Georges Remi, ki s' no d' pene, c' esteut Hergé, des prumirès letes di s' no (R) et ptit no (G), c' esteut on dessineu d' BD. Il a skepyî a Eterbek li 22 d' may 1907 - à l' pikète do djoû, 7 èt dimêye ki l' Dr Schovaers a mètu dissu lès papîs - d' on popa walon èt d' ène flaminde moman, ratinde li 9 di djun po ièsse batîjî et mori a Brussele li 3 d' måss 1983. Mins il a dmoré dipus d' 20 ans a Ferire.

I scrijheut ses bouyotes e francès.

Après Totor, s' prumî pèrsonaedje, il a askepyî avou des nos brusselwès : Kike et Flupke (des nos avou l' cawete flaminde -eke).

Mins après, i prind on no tipicmint walon po Tintin, li persounaedje ki frè si rlomêye lon et lådje.

Hergé a edvinté sacwants forveyous payis et-z î fé viker ses persounaedjes : Sildaveye, Bordureye, Molénsårt, evnd.

Djôr Rumi, Hergé, dabôrd, est sovint rwaitî come li pus grand dessineu d' BD d' tos les tins.

Li Walonreye et l' walon[candjî | candjî l’ côde wiki]

  • li mot Tintin (raptitixha walon di Mårtin).
  • les kór (les caurs), c' est l' manoye del Sildaveye (Sceptre d'Ottokar).
  • li no do viyaedje di Cerou rivént so ene des bagues di cigåres des "Cigares du Pharaon", dizo cogne "Serhu"
  • Molénsårt, li tchestea do captinne Hadok : c' est "Sålonmolén", ricomprins "Sårt å molén", et ortografyî e francès Sart-Moulin.
  • Li Rodje Rackam, c' esteut on sfwait rékem.

Ôtes influwinces[candjî | candjî l’ côde wiki]

Balzac (Li Castafiore lome Hadok "Captinne Balzok")

Tecnike di dessinaedje[candjî | candjî l’ côde wiki]

Li trait ki fwait li bizete da Tintin, c' est l' minme kel ci des erî-fonds. Ça dene on dessén a môde di vitrå.

I fjheut poizer des djins èt s' riwêtî dins on mirwè, po-z aveur li boune djesse.

Ses aidants[candjî | candjî l’ côde wiki]

Raymond Leblanc, s'n' èditeû, ki provneut d' Troncwè (Longliè).

Jacques Van Melkebeke a léjhou bråmint po documinter èt bouter à muchète po Hergé. C' esteut ene brave djin -pinte- nén pus foirt a droete k' nosse ome mins ki, li, n'a nén polu passer oute d' on ègayolaedje. On trouve dins on lîve da R. Leblanc l' comint ça s' a passé.

Edgard P. Jacobs, Bob Demoor, Greg, Leloup, Guy Dessicy...

Dins les studios da Hergé, i faleut esse bén moussî : costume et crawate. C' esteut la ene diferince avou les studios Dupuis a Mårcinele. K' ça n' l' èspêtchéve nén, come tos lès ôtes, di s'î pormwinrner è brès di tchimîze (voye foto dins l' lîve da Pierre Assouline)