Scolite di l' epiceya

scolite di l' epiceya a Cmanster

Li scolite di l' epiceya, c' est on scolite k' atake l' epiceya.

Sincieus no d' l' indje : Ips typographus

Discrijhaedje

C' est on ptit inseke schaerbotrece, 5 milimetes long, di brune coleur.

Il est poyou so tot s' coir. Ces pwels la vont schover les galreyes.

Les spessès aiyes sont discovrowes å coron, po fé come ene ramassete.

Vicaedje

I s' rewoeye e bontins, et cweri après on sapén. Il î schave tot droet on trô et on nel voet pus, disca çk' i rvegne tiper foû les poussires di foraedje. Tot rescoulant. Après on tins, il arive al coûtche d' ene seule celule

Istwere di l' atake do scolite di l' epiceya el Walonreye

Loukîz a : Istwere des scolites del hesses et des åbes sapinreces el Walonreye

Senes di l' atake

Li schoice tome.

L' åbe saye di s' disfinde tot sûnant del hårpixh.

Dizo li schoice, des sôres di desséns simetrikes (did la, li no latén do scolite, li tipografe).

• 
  sapén scolité dispu troes moes (tins d' l' esté 2017, k' a stî setch e l' Årdene)
• 
  minme åbe: schoice toumêye et desséns
• 
  : traeces dizo l' eschoice
• 
  sapéns crevés
• 
  sapén scolité; sûnaedje del hårpixh
• 
  minme åbe: loukîz les trôs des betch-fier

Lûte

Abate les sapéns malådes et les schoircî, eyet broûler les schoices eyet les ptitès coxhes.

Mete des trapes ås scolites.

Espaitchance

• rissaetchî les ptits sapéns crevés des sapinires.
• èn nén planter des grandès stindêyes d' epiceyas.
• èn pus rplanter des sapéns si on croet k' i gn årè todi d' pus d' setchs estés.