Scolite

scolite di l' epiceya (portrait prins a Cmanster)

Les scolites, c' est ene dizo-famile d' insekes schaerbotreces k' atacnut les åbes.

Famile : Scolytinae

Sôres di scolites

• scolite di l' epiceya (Ips typographus)
• scolite des pins (Myelophilus piniperda), k' atake eto l' såvadje sapén
• scolite do faw (Taphrorychus bicolor)

Istwere des scolites del hesses et des åbes sapinreces el Walonreye

sapén scolité dispu troes moes après on setch esté: tcheyante eschoice

E 1990, gn a yeu des timpesses, et toplin des chablis. C' est la k' les scolites s' ont mopliyî foû mezeure et-z ataker les hesses, les sapéns et pår les såvadjes sapéns.

Di 1990 a 2000, on a abatou tos les åbes malådes, et minme mete des boesses ås pwezon k' assaetchént les scolites dins les bwès d' faweas.

Après 2000, on a leyî aler, dizo l' idêye des ecolodjisses, come cwè i faleut des åbes crevés emey les bwès po fé viker les insekes magneus d' bos.

Les atakes des åbes ont rcrexhou dins les anêyes 2010.