Jean-Denys Boussart

Èn årtike di Wikipedia.
(Redjiblé di J.D. Boussart)
Jean-Denys Boussart
Skepiaedje1940, Lidje
Moirt10 di may 2017
Activitésscrijheu

Jean-Denys Boussart (e walon: Djihan-Dnixh, sipoté Marcatchou) a skepyî li 14 di fevrî 1940. Il a morou li 10 di may 2017.

C' esteut on scrijheu e walon et bouteu pol foclore di Lidje.

A eto stî prezidint do Cåvea lidjwès, di 1975 a 2017. Et-z esse ossu al S.L.L.W..

Jean-Denys Boussart est rprins dins l' grosse antolodjeye da Piron et l' antolodjeye Fleurs diyalectåles.

Ouve pol walon[candjî | candjî l’ côde wiki]

Il a scrît des noveles: «Li rodje dame» (1976); des arimés: “Li prumire voye” (1966); “Mi pårotche po ene noere çanse” (1968); “Li botike ås araedjas” (1968).

Pol teyåte e walon, i scrijha “Li grande cizete” (1971), «Li houssî Houssa» eyet «li troejhinme djoû» (1976).

E 1992, i rexhe ene pîce pol teyåte di marionetes, «Li rwè des soteas» (Le roi des sotais).

Portant, do tins k' il esteut prezidint do Cåvea lidjwès, n' a nouk anouwaire di cisse soce la k' a moussî foû

Ene ramexhnêye di ses scrijhaedjes a stî eplaideye après s' moirt på Cåvea lidjwès avou l' tite: Scriyèdjes powézèyes èt tchansons d'à Jean-Denys Boussart (sins leu sins date, mins k' a moussî foû dandjreus e 2018.

I scrijheut eto e francès so des sudjets foclorikes u d' actouwalité dins li ptite gazete “Vlan”, ene coirnêye ki s' lome “Vlan avå les voyes”.

Djihan-Dnixh Boussart et l' mouvmint ravicantisse[candjî | candjî l’ côde wiki]

Djihan-Dnixh Boussart esteut disconte di l' ehåyaedje do walon, tant do statut ki do coir do lingaedje. Por lu, li walon ni dveut wårder foû k' ene fonccion foclorike.

Si bouye pol foclore[candjî | candjî l’ côde wiki]

Il a stî des anêyes et des razanêyes li "mayeur" del franke Republike di Sint Foyén, a Djudla Mouze.

Hårdêye difoûtrinne[candjî | candjî l’ côde wiki]