Jacqueline Boitte

Èn årtike di Wikipedia.
(Redjiblé di J. Boitte)
Sauter à la navigation Sauter à la recherche

Wiktionary-logo.svg

Li Wiccionaire si rsieve di sacwants fråzes da "Jacqueline Boitte" po-z enimådjî des mots k' i gn a.

Jacqueline Boitte, c' est ene sicrijheuse e walon do payis d' El Lovire.

Elle a stî relîte dins l' Antolodjeye Scrire et dins «Vint-cénk escrijheus e walon ås deus Inne».

Ouve e walon[candjî | candjî l' côde wiki]

Ella a cmincî pa scrire pol teyåte; et djouwer; ey essinner.

Si pîce «Eliza e-n imådjes» a rascodou li Cope do Rwè e 1994.

Sicrijheuses di noveles come "Miroe eschårdé", ki wangna l' Pris Walla e 1997.

Ses powinmes sont-st eplaidîs dins l' Moxhon d' ônea et dins l' Bourdon. Elle endè rashonna sacwants dins l' ramexhnêye "Cour å lådje" eplaideye e 2011.

Elle a siné onk des bokets do live Voyaedje ezès payis d' oyi.

Corwaitaedje di si ouve[candjî | candjî l' côde wiki]

Ses powinmes sont soeye-t i des arimés, soeye-t i des libes vers. Ele ricnoxhe aveur prins modele so Félix Duval.[1]

Ses tinmes sont sovint poujhîs dins les (mwaijhès) noveles des posses et gazetes. Come:

  • li stofaedje d' ene abagante revoyeye dins s' payis på policî metou avou lu dins l' avion k' el remoennéve.
  • li saye di touwaedje d' on djwif pa on djonnea d' cwénze ans (1916).

Egzimpe di powinme[candjî | candjî l' côde wiki]

Cwénze ans!
Èn efant,
Djusse èn efant
On gamén
Mierseu dins s' tchambe,
Sins aresse aclapé
A s' waitroûle,
Å rcoe do vraiy monde,
Si lon del vraiye veye.
Pont d' amisses
Po discandjî des idêyes
Po partaedjî des plaijhis
Avou zels;
Et rire ey esse el fiesse;
S' emayî des beatés do monde.
On gamén
Epansné des fayêyès imådjes,
Des fåssès paroles
Des moudreus dimindjîs
Pa l' inveye di mori.
On gamén
A volou touwer èn ome,
On djwif.
Kimint wårder l' espwer,
Cwand l' istwere n' è finit pus
Di rcomincî,
Et ki tot shonne s' endaler
Al disblouke.
L' amour, putete...
Ès bate eyet djurvi...surmint![2]

Hårdêye difoûtrinne[candjî | candjî l' côde wiki]

Ene pådje di ses scrijhaedjes (so l' Aberteke)

Sourdant[candjî | candjî l' côde wiki]

  1. El Bourdon 638, moes d' setimbe 2011
  2. El Mouchon d'Aunia, måss 2016.