Jacques Georgin
Jacques Georgin, c' est on mimbe do Democratike Front des Francès-cåzants (FDF, prumire modêye di DeFI) k' a stî moudri pa des nåcionalisses flaminds di foete droete. Il a vnou å monde li 15 di setimbe 1935 a Etterbeek et il a morou a Laeken li 12 di setimbe 1970.
Di s' mestî, c' esteut on mwaisse di scole. Il esteut eto l' penleu del seccion do FDF a Laeken.
Moude
[candjî | candjî l’ côde wiki]Li nute do 11 di setimbe 1970, Georgin et troes d' ses soçons sont e trén d' plaker des afitches po les eleccions dins l' avnowe Houba-de Strooper a Laeken cwand i sont acoyîs pa nouv mimbes do Vlaamse Militanten Orde, ene troke di nåcionalisses flaminds. Adon Georgin a stî batou avou des pîs d' tåve ; il a stî capåbe di si hertchî disk' å on cåbaret po dmander on vere d' aiwe, mins il a morou vela d' on infractusse.
Les moudreus n' ont waire veyou l' ådvins d' ene prijhon : i n' ont rçu k' troes moes u èn an al piole. Onk di zels a minme stî relî senateur avou l' Vlaams Blok e 1991.
Asteure, i gn a ene avnowe Jacques Georgin a Schaerbeek.
Dins les belès-letes e walon
[candjî | candjî l’ côde wiki]Émile Gilliard cåze di Jacques Georgin dins s' powinme Po cénq´ djon.nias d'Espagne, dins l' live « N' alez nén dire k' i båre ! ».