Jean-Denys Boussart

Èn årtike di Wikipedia.
(Redjiblé di Jean-Denis Boussart)
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Jean-Denys Boussart" po-z enimådjî des mots k' i gn a.

(e 2005)

Jean-Denys Boussart (e walon: Djihan-Dnixh, sipoté Marcatchou) a skepyî li 14 di fevrî 1940. Il a morou li 10 di may 2017.

C' esteut on scrijheu e walon et bouteu pol foclore di Lidje.

A eto stî prezidint do Cavo Lidjwès. Et-z esse al S.L.L.W..

Jean-Denys Boussart est rprins dins l' grosse antolodjeye da Piron et l' antolodjeye Fleurs diyalectåles.

Ouve pol walon[candjî | candjî l' côde wiki]

Il a scrît des noveles: “Li rodje dame” (1976); des arimeas: “Li prumire voye” (1966); “Mi pårotche po ene noere çanse” (1968); “Li botike ås araedjas” (1968).

(e 1979)

Pol teyåte e walon, i scrijha “Li grande cizete” (1971), «Li houssî Houssa» eyet «li troejhinme djoû» (1976).

E 1992, i rexhe ene pîce pol teyåte di marionetes, «Li rwè des soteas» (Le roi des sotais)..

I scrît eto e francès so des sudjets foclorikes u d' actouwalité dins li ptite gazete “Vlan”, ene coirnêye ki s' lome “Vlan avå les voyes”.

Djihan-Dnixh Boussart et l' movmint ravicantisse[candjî | candjî l' côde wiki]

(e 2004)

Djihan-Dnixh Boussart est sconte di l' ehåyaedje do walon, tant do statut ki do coir do lingaedje. Por lu, li walon ni doet wårder foû k' ene fonccion foclorike.

Si bouye pol foclore[candjî | candjî l' côde wiki]

Il a stî des anêyes et des razanêyes li "mayeur" del franke Republike di Sint Foyin, a Djudla Mouze.

Hårdêye difoûtrinne[candjî | candjî l' côde wiki]

Li pådje Djihan-Dnixh Boussart (so l' Aberteke)