Jean-Jacques Gaziaux
Jean-Jacques Gaziaux a skepyî li 20 di nôvimbe 1942, a Djåçlete.[1] Il a morou li 31 di djanvî 2022, a Tirlumont.[1]
C' est on rcwereu sol walon d' Djåçlete et do payis d' Djodogne.
Il esteut mimbe del SLLW di 1986 disk' a s' moirt.
Di s' mestî, il esteut prof di sgondaire.
Lingaedje walon
[candjî | candjî l’ côde wiki]Ovraedje
[candjî | candjî l’ côde wiki]Ses rcweraedjes, tos bokets d' ene grosse sipesse teze k' i disfinda å Noû-Lovén e 1982, sont-st eplaidîs dizo l' cogne d' on tecse e francès, avou des fråzes, des bokets d' fråzes u des mots e walon ådvins, ratournés zels-minmes e francès.
Come bouteu pol walon e s' payis il a xherbiné fer po fé avanci li soce Les Såverdeas d' après Djodogne. Il a eto adjinçné deus antolodjeyes des scrijheus do Roman Payis :
- "Nos campagnes" (1998)
- "Veûy volti" (2002)
Il a ovré avou l' province do Roman Payis po fé mî cnoxhe li walon k' on cåze avår la. Ey eplaidî on livret, sipårdou po rén : "Nos parlers brabançons : authentiquement wallons" (Les pårlers di nosse Roman payis : c' est pår do walon) (2003).
Di 2007 disk' a s' revoyance, il esteut mwaisse eplaideu del gazete e walon : Lë Sauvèrdia.
Avuzion
[candjî | candjî l’ côde wiki]Come bråmint des ôte mimbes del SLLW soce la, i rwaite li walon come ene troke di diyalekes elaxhîs al civilizåcion des viyaedjes disk' e 1960, et ki dvreut disparexhe avou leye.
Jean-Jacques Gaziaux djåzéve bén walon e societé, mins s' nel fijheut i nén a tot côp bon avou les pareys a lu.
Eplaidaedjes
[candjî | candjî l’ côde wiki]
Ont parexhou come lives :
- ''L'élevage des bovidés a Jauchelete (L' aclevaedje des bovrins a Djåçlete, C18) (1982)
- Parler wallon et vie rurale au pays de Jodoigne (Pårler walon et vicaedje des djins e Payis d' Djodogne, C49) (1987)
- Du Sillon au pain (Del roye di tcherowe disk' å pwin, C101) (1988)
- Souvenirs de guerre au pays de Jodoigne (Sovnances des deus gueres do 20inme sieke å Payis d' Djodogne) (1990)
- Le temps qu'il fait a Jauchelette (Li tins k' i fwait a Djåçlete) (1995)
- Des gens et des bêtes (Des djins et des biesses, C103) (1999)
- Cultures diverses, prairies, vergers et jardins à Jauchelette (So totès sôres di coûtivaedjes, so les prés, les paxhis et les cortis a Djåçlete, C56) (2003)
- Amours wallonnes au pays de Jodoigne durant l'entre-deux-guerres (C61, 3 tomes, 2009)
Gn a eto des gros papîs publiyîs dins "Dialectes de Wallonie"
- L'honneur dans les campagnes jodoignoises au 20e s. (L' oneur dins les viyaedjes do Payis d' Djodogne e 20inme sieke) (1991-1992)
- La lessive et le repassage traditionnels à Jauchelette (les bouwêyes et les ristindaedjes did dinltins a Djåçlete) (1993-1998)
- Langages et conventions sociales; tutoiement et vouvoiement (on rcweraedje so l' atouwance) (2000).
Eyet dins les Inketes do Muzêye do Vicaedje des Walons:
- La culture et le travail du lin à Jauchelette [Ni 67], n° 125-128, 1966-69, pp. 160-191 ([C41]).
Bon dvwer
[candjî | candjî l’ côde wiki]Jean-Marie Pierret lu a rindou bon dvwer avou èn årtike sicrît dins on limero del rivuwe francès-cåzante Wallonnes.[1]
Hårdêyes difoûtrinnes
[candjî | candjî l’ côde wiki]- Si biyografeye (e francès)
- Si pådje sol waibe di l' SLLW (e francès)
- Si pådje sol waibe del Comission di toponimeye et diyalectolodjeye
- Prezintaedje d' onk di ses lives e francès
- Prezintaedje di "Totès sôres di coûteures..."
-
Coviete do live so l' motlî walon di l' aclevaedje -
Coviete di l' antolodjeye "Vey Voltî" -
On live so les pårlers walons do Roman Payis, adjinçné pa J.J. Gaziaux
