Jean-Pol Grandmont

Foto d' lu, e 1979.

Jean-Pol Grandmont, c' est on fotografe, årtisse, diccionairî eyet waloneu. Il a nexhou li 9 di djulete 1948, a Forire.

Biyografeye

Cårire

Jean-Pol Grandmont a crexhou ewou çk' on cåzéve sovint e walon, mins c' ît sovint amon les viyès djins. Come di djusse, i fåt djåzer e francès po esse veyou do bon costé.^{(a-z aveuri)}

Après awè studyî deus anêyes a Brussele, Jean-Pol Grandmont a bouté come oficî d' police djudiciaire etur 1970 eyet 1974. A pårti d' ciste anêye la, il a ovré å S.H.A.P.E. disk' e 1980, todi come oficî d' police djudiciaire. Pindant 24 ans, il a werké come penleu djudiciaire disk' a s' pinsion.

Jean-Pol Grandmont si trouve a droete, å drî-plan. Li fotografeye a stî saetcheye tins d' on raploû di Li Rantoele, e 2000.

Lingaedje walon

Dispu 1989, Jean-Pol Grandmont boute pol walon tot-z atôtchant les dierins cåzeus d' Forire. Il a cmincî pa askepyî ene lisse di mots avou leus ratournaedjes e francès. Avou ça, i mete so les fis on motî d' ès viyaedje.

E 1996, li diccionairî a pårticipé å raploû adjinçné pa Lucyin Mahin, å Noû Lovén, avou Chantal Denis, Thierry Dumont, Michel Francard, Dominique Heymans, Joseph Lahaye, Bernard Louis, Charles Massaux eyet Pierre Otjacques. Sacwants d' ses tecses ont stî rprindous dins Li Rantoele, a pårti do limero 36, el ci po l' ivier 2005-2006.

Jean-Pol Grandmont est l' oteur do motî d' Forire eplaidî sol waibe Freelang. I l' a metou so les fis e 2001 eyet tertos po daler po rén. Å moes d' setimbe 2004, a l' atake d' ès pinsion, i s' a metou a ses passions : les lives, el biyolodjeye, el diyalectolodjeye, li gnomonike, li fotografeye ey el muzike. Tot rwaitant l' biyolodjeye, l' ancyin oficî a rexhou on motlî so les tchampions di Beldjike.

Li fotografe a ratourné Le Petit Prince, roman scrît pa Antoine de Saint-Exupéry. La eto k' il a aspalé Lucyin Mahin pol ratournaedje e francès d' Eviè Nonne.

Fotografeye

Jean-Pol Grandmont si mete eto al fotografeye. Ses imådjes sont, nouv côps so dijh, e rapoirt avou l' tuzance ey el patrimoenne del Walonreye.

I mete ses fotografeyes sol Daegntoele, foiravant so les Commons u co so Flickr. Il a documinté bråmint des plaeces, monumints, payizaedjes ey elemints del biyovaryisté. Ses imådjes sont sovint uzêyes po des årtikes sol patrimoenne walon.

• 
  Ès-n' otoportrait.
• 
  L' afitche d' ene espôzucion, a Avrè, e 2021.
• 
  Li coviete do motî d' Forire.
• 
  On cadran solaire avou ene macsime e walon datant do vintinme sieke, scrîte e walon.
• 
  Ene foto del catedråle di Tornè.

E 2011, Jean-Pol Grandmont a wangnî, avou des ôtès sakîs, on pris do Wiki Loves Monuments po ene di ses fotos, dins l' categoreye rwaitant l' Beldjike. Troes ôtes di ses ovraedjes ont stî bén metous dins l' clasmint.

• Fotos riscompinsêyes tins do Wiki Loves Monuments.
• 
  Li dreve di Marimont..
• 
  Li tchestea d' Avrè, k' est on bastimint classé..
• 
  Li cinse di Wahindje.

Referinces eyet sourdants

Cist årtike ci, c' est on ratournaedje vinant do Wikipedia francès-cåzant.