Jeanine Xhenseval
Jeanine Xhenseval sicrît des prôzes e walon dins la Wallonne.
Li no d' famile "Xhenseval", c' est on forcoridjaedje di Enzivå (hamtea).
Ouve pol walon[candjî | candjî l’ côde wiki]
Come sicrijheuse, elle ava l' troejhinme pris al bate di noveles del soce do minme no, avou "Djoziane", ki l' eroyene, c' est ene drouctêye. Li novele fourit-st eplaidî dins l' minme gazete e walon, dins l' l° 1-2010.
E 2020, ele riprinda l' posse di cwårelresse al Walone.
Corwaitaedje del novele «Djoziane»[candjî | candjî l’ côde wiki]
Rascourti[candjî | candjî l’ côde wiki]
Ene crapåde di 17 ans djowe a des djeus dandjreus avou on capon di si ådje et … si rtrouve e pôzucion. Si pa el caye a l' ouxh.
Ele si ressåve a Lidje, et si rtover e-n on scwate di drouctés. Et fé come zels.
Po-z aveur des cwårs po s' tchedinne, ele va briber. C' est adon k' ele rescontere ene fonccionaire ki va magnî al taviene...
Motlî[candjî | candjî l’ côde wiki]
Jeanine Xhenseval doet bén eployî des noûmots po fé tcheryî si spoûle dins l' monde d' ouy, pus waire walon-cåzant. Elle è prind :
- des cis d' aparintaedje : si fordroucter
- des cis di stindaedje di sinse : droucté (å prumî sinse : fé boere on rméde a ene biesse); taviene (po « snak », prumî sinse cåbaret di dvins l' tins la k' on pleut eto magnî.)
- des calcaedjes : des ki passèt bén (scwate), des ôtes ki pôrént esse replaecîs pa des piceures pår walones (au fait); collègue)
Dins l' fråze :
- Taijhe tu, mcoye, nozêye come t' es, i n rè todi bén des omes po t' fé des calinreyes.
Rilevez
- li stindaedje di sinse del croejhete di « mcoye » (normåldimint po èn ome, cial po ene glawene).
- l' eployaedje kécfeye flotchrece di calinreye (normåldimint : metchansté, cial doûdoûce, candôzaedje).