Joseph Durbuy

Èn årtike di Wikipedia.
Sauter à la navigation Sauter à la recherche
(diviè 1950)

Joseph Durby (e walon : Djôzef Derbu), c' est on scrijheu e walon k' a skepyî a Vå-dlé-Borset li 27 d' awousse 1882 et k' a morou a Hu li 6 d' avri 1963.

I fourit onk des pus rlomés scrijheus d' pîces di teyåte e walon dins l' eter-deus-gueres. Li prumire, "l' Amerikin", a ddja rexhou e 1905.

Il a scrît des arimeas, avou, mins ki n' ont nén parexhou di s' vicant. Et on roman "Li ci k' esteut d' trop" (1950).

E 1925, li veye di Hu amonta li pris Joseph Durbuy e si oneur.

C' est lu k' a-st enondé li soce "Li Coirneu" di Hu e 1946.

Il est rprins dins l' grosse antolodjeye da Piron et dins l' antolodjeye Fleurs diyalectåles.

I dmora lontins å 104, pavêye di Wareme, a Hu, la k' on-z a pindou ene grande plake, diviè 1995.

E 2004, li soce "li Coirneu" vuda on live avou ses arimeas nén eplaidîs et sacwants bokets d' prôze.

Di s' mestî, il esteut martchand d' vatches, mins il aveut fwait ses scoles d' agronome. Il a co fwait toplin des ôtes mestîs.

Pîces di teyåte da Djôzef Derbu[candjî | candjî l' côde wiki]

  • L' Amerikin (1905)
  • Come i s' î fåt prinde (1908)
  • Wice pasrè-t ele ? (1908)
  • Pî d' poye (1910)
  • Handeles (1912)
  • Ki fåt i fé ? (1913)
  • Les rampioûles (1920)
  • Li ståve (1925)
  • Bouyote (1926)
  • Li fosfate (1928)
  • Mi (1930)
  • Les ragonasses (1931)
  • Li påpåd (1932)
  • Fabrike al croye (1938)
  • Ene ehale (1947)
  • Moxhete (1950)