Joseph Tilkin
Joseph Tilkin, c' esteut on scrijheu e walon.
Il aveut vnou å monde a Oû-l'-Grand li 5 d' awousse 1913.
Il a morou å Ptit Rû li 17 di nôvimbe 1997.
Di s' mestî, il esteut docteur.
Ouve pol walon
[candjî | candjî l’ côde wiki]Il a scrît dins l' Soverdea.
Il aveut-st ataké l' ratournaedje di l' Evandjîle sint Djhan. Ci-ci a stî fini pa Djåke Desmet, ey eplaidî dins li Novea Testamint e walon.
Biyografeye
[candjî | candjî l’ côde wiki]Il a fwait ses scoles a Nameur, pu Lovén, la k' il a yeu s' diplome di docteur.
E 1938, il a fwait s' tins d' sôdår, mins k' a stî ralongui e 1939, a cåze del mobilizåcion divant l' guere di 40.
Al guere, il a stî fwait prijhnî, mins il a dmoré a Gant po sognî les coixhîs (bråmint des prijhnîs francès).
I s' a maryî tins del guere (1941) et a polou fé do medcén a Oû-l'-Grand.
E 1944, il est rmobilijhî, et pårticipe al batreye d' Arnem (Arnhem). La i va sognî les ancyins prijhnîs rûsses.[1]
Hårdêye difoûtrinne
[candjî | candjî l’ côde wiki]
Vos trouvroz des racsegnes so les ouves da Joseph Tilkin, u les ouves zeles-minmes, so Wikisourd e walon.
Sourdant
[candjî | candjî l’ côde wiki]- ↑ (fr) sorlon s' biyografeye eplaideye divins l' Novea Testamint e walon.