Evandjîle sint Djhan
L' Evandjîle sint Djhan, c' est l' cwatrinme et l' dierinne des evandjîles oficires, sicrîte pa Sint Djhan l' Evandjilî, diviè l' an 100.
C' est on live di 21 tchaptrês.
Mwaissès dnêyes[candjî | candjî l’ côde wiki]
C' est l' dierinne des cwate evandjîles, et, nén come les 3 ôtes, avou bråmint des tuzaedjes di l' evandjilî.
On n' cåze nén del nexhance da Djezus-Cri.
L' evandjilî a purade sicrît po les apurdisses k' alént å catruceme divant di s' fé batijhî, e l' Eglijhe del plaece ewou çki Djhan dmoréve.
Ele djåze moens di çou ki Djezus a fwait, et dpus çou k' il a dit. Portant, gn a nén ddja l' pretchmint so l' montinne.
Gn a k' deus paraboles: li cene do bon bierdjî, et li cene do vignron et del vegne.
C' est k' ciste evandjîle ci, ele nos vout fé etinde nén tant des pretchmints ou del moråle, mins purade nos dire kî k' il est, l' Djezus.[1]
L' evandjilî djåze di lu come «do dicipe ki Djezus inméve li mî». Et dire tchaeke côp k' i scrît ene sacwè k' il a veyou d' ses prôpes ouys.
Contnou[candjî | candjî l’ côde wiki]
Vola l' discôpaedje di ciste evandjîle la:[2]
- Prumî tchaptrê
- El Parole divnowe ome
- Li temognaedje Djhan-Batisse
- Li bateme da Djezus
- Les prumîs cpagnons
- Deujhinme tchaptrê
- Li prumî miråke, a Cana
- Djezus dvins l’ Timpe
- Troejhinme tchaptrê
- Djezus et Nicodinme; li novele nexhance
- Li mission da Djezus
- Novea temognaedje da Djhan-Batisse.
- Cwatrinme tchaptrê
- Djezus eyet l' Samaritinne
- Djezus et les Samaritins
- Djezus werixh li fi d' èn oficî
- Cénkinme tchaptrê
- Djezus rwerixh on paralitike
- Djezus dclåre si ewalisté avou s’ Pere
- Shijhinme tchaptrê
- Li mopliyaedje des pwins
- Djezus rote so l’ aiwe
- Djezus est l’ pwin d’ veye
- Djezus anonce dedja li Sinte Cene
- Setinme tchaptrê
- Les frés da Djezus nel creyèt nén
- Djezus va-st ossu al fiesse des houtes
- Les Farizyins volèt-st arester Djezus
- Ûtinme tchaptrê
- Wice sont i, tes ameteus ?
Lijhaedje di l' Evandjîle sint Djhan[candjî | candjî l’ côde wiki]
Cwand on dit k' on lét l' «evandjîle Sint Djhan», e lingaedje des djins, c' est l' prumî boket.
On l' lét :
- al messe e meynute, å Noyé.[3]
- cwand l' mame k' a stî payelinne aléve prezinter èn efant a l' eglijhe, pol ramessaedje.[4]
Ratournaedjes e walon[candjî | candjî l’ côde wiki]
- li ci da Djhan Dumont (parexhou e 1992)
- li ci da Jean-Marie Lecomte (diviè 2000)
- li ci Tilkin-Desmet (kimincî diviè 1990, eplaidî e 2022)
Hårdêyes difoûtrinnes[candjî | candjî l’ côde wiki]
- Tecse e-n etir di l' Evandjîle sint Djhan ratourné pa J.M. Lecomte (so l' Aberteke)
- Riscanaedje del traduccion Djhan Dumont
so Wikisourd: Èvanjile d’après sint Djan (modêye Joseph Tilkin et Jacques Desmet, eplaideye dins «Li Novea Testamint e walon»)
Sourdants[candjî | candjî l’ côde wiki]
- ↑ Georges Sfasie, Li Rantoele 54, ivier 2012-1012
- ↑ Sorlon l' ratournaedje Djihan Dumont
- ↑ Georges Sfasie, come ådzeu.
- ↑ temognaedje a Lucyin Mahin pa Fraziye Defossé, Cassete l° 10, 1994