Jules Bastin (tchanteu d' operå)
Jules Bastin, c’ esteut on grand tchanteu d’ operå.
I provneut d’ Pont-dlé-Lignouveye, la k' il aveut skepyî li 18 d' awousse 1933
I mora li 2 d' decimbe 1996 a Waterlô.
Cårire
[candjî | candjî l’ côde wiki]I cminça si veye d’ ovraedje come professeur. Ci n’ est k’ diviè 30 ans k’ il aprinda l’ muzike et do côp rascode des pris : prumî pris d’ tchant å conservatwere di Brussele (1958), prumî pris d’ operå (1959). Adonpwis, foû payis : prumî pris al Håye (1962) ey a Munik (1963).
A cmincî d’ adon, i va tourner come tchanteu d’ operå dins tos les payis (Paris, Djineve, Madrid, Bårçulone, Misterdam, Berlin, Londe, Gurnåde, Milan, Tchicago, Noû York, Toronto, Wîne, San Francisco, Sidney, Melboûne, evnd.).
Il a stî egadjî pa Herbert von Karajan å fiestival di Zalbork e 1976, 1977, 1978 et 1979. E 1989, i fjha ene « tournêye Berlioz » totavå l’ Daegne.
Il a stî lontins djuri pol concours Rinne Elizabete. Il eredjistra dipus d’ 60 plakes 33 toûs pu stroetès plakes.
E 1996, il eredjistra eto ene sitroete plake avou des tchansons e walon (Airs folkloriques wallons). Ladvins, on trouve des vîs Noyés, des tchansons da Laure Gastes, da Emile Wiket, da Camille Gaspard, da Marcel Hicter, da Henri Bragard, da Jean-Théodore Chapelier, et da Nicolas Defrecheux.