Jules Rivière

Èn årtike di Wikipedia.
Jules Rivière
portrait da Jules Rivière
Skepiaedje27 di may 1892, Li Bwès-d'-Viyé
Moirt6 di måss 1973
Activitésscrijheu
Ôtes nosBwès d’Hule

Jules Rivière, c' esteut on scrijheu e walon skepyî li 27 di may 1892 å Bwès-d'-Viyé et moirt li 6 di måss 1973. Su no d' pene, c' esteut «Bwès d'Hule».

I moussa ezès Relîs namurwès e 1927. I nd esteut vice-prezidint a s' moirt.

Biyografeye[candjî | candjî l’ côde wiki]

Di s' mestî, il esteut sôdård. Il aveut moussî e l' årmêye e 1909.

I fjha l' guere di 14 come sordjant. I va esse tcherdjî di sacwants riskeusès missions, come fé sôtler des ponts. Adon-pwis, aler so l' Izer, la k' i serè coixhî deus côps.

El guere di 40, e serè rmobilijhî, come captinne-kimandant (gråde di l' årmêye). I serè prijhnî 5 ans e l' Almagne.[1]

I rvénrè e 1945, et prinde si pinsion.

Ouve e walon[candjî | candjî l’ côde wiki]

I mousse mon les Relîs namurwès e 1927.

Divant k' on n' mete e-n alaedje les Cayés walons, il avént scrît dins «Le Guetteur wallon».

C' est lu ki strime li coirnêye e walon «Shijhes et paskeyes» di «Viè l' Avni» e 1935. I va divni mwaisse sicrijheu di cisse pådje la di 1946 a 1973.[2]

I scrijha ses sovnis del guere 1914-1918 dins Shijhes et paskeyes (do 10 d' awousse 1954 å 15 d' avri 1958). L' anêye 1914 a stî replaideye dins les Cayés walons 4/2014.

Sourdants[candjî | candjî l’ côde wiki]

  1. Les Cayés walons, l° 3/1974, p. 98
  2. Les Cayés walons, l° 4/2014, p. 98.

Hårdêyes difoutrinnes[candjî | candjî l’ côde wiki]

Li Wiccionaire si rsieve di sacwantès fråzes da Jules Rivière po-z enimådjî des mots k' i gn a.