Justin Cherton

Èn årtike di Wikipedia.
diviè 1920

Justin Cherton, sipoté Maisse Arsouye, a vnou å monde li 7 d' awousse 1878 å Moncea, et mori tot djonne li 17 di djulete 1924 a Uke.

Imprimeu ey eplaideu di s' mestî, il esteut foirt boutant pol tuzance walone.

Il esteut mimbe del tchambe sindicåle des eprimeus, mimbe do ceke literaire "les vraiys Walons", eyet askepieu (1919) et manaedjeu del gazete e walon L' Arsouye di Nameur k' eplaidive tenawete des årtikes politikes e walon.

Il esteut avou eplaideu del gazete L' Agasse a Tchålerwè.

Si epitafe est e walon (dins l' sicrijhaedje d' oridjene):

Véci ripoise Justin Cherton né à Monceau-sur-Sambre li 7 août 1878. Ripris à si famille li 17 juillet 1924. Cher papa totes nos pinsées sont por vos.
Ess feume Léonie Piret 1880-1954

Vos l' poloz co lére al cimintire di Belgråde a Nameur, Alêye des tiyoûs (13C).