L' Årdene ås côpons (tecses)

Èn årtike di Wikipedia.
Sauter à la navigation Sauter à la recherche
Disambig.svg Pol discramiaedje des årtikes avou l' mot « Årdene », loukîz cial.

Wiktionary-logo.svg

Po des linwincieusès racsegnes sol mot "côpon", alez s' vey sol Wiccionaire

L' Årdene ås côpons (L'Ardenne aux Cômpons), c' est on live e walon da Pire-Djôzef Dosimont.

C' est ene schôtlêye di tecses di prôze (avou deus arimés) so l' pårtixhaedje des manêyes, scrîts dins on sistinme di dvant Feller.

I vuda après L'Ardenne fouyue, di l' imprimreye Duchêne dås Libins. I n' est nén daté; mins les scrijhaedjes el sont deus feyes (moes d' decimbe 1929 eyet octôbe 1934.

Contnou do live[candjî | candjî l’ côde wiki]

Adrovaedje[candjî | candjî l’ côde wiki]

L' adrovaedje est fwait pa Djôzef Calozet

A m' bon vî camaeråde, P.J. Dosimont
Dj' avans sovint batou nosse copene eshonne e cåzant do bon vî tins; vos, dins vosse ritche patwès d' Årveye, mi, dins m' nozé patwès d' Nåwinne.
Vos m' vinîz trover å Sårtea, åd triviè des bwès ki vs kinoxhîz come vosse catrucime, et tot binåjhe, vos m' dijhîz: «Dj' a co rtrové des beas vîs mots, ki dj' a stitchî dins ene tchanson.» Et vos leyîz rafroedi vosse pupe po prinde vosse boune vwès d' mårlî et m' fé conoxhe so ene air do tins passé vos noveas coplets avou leu rfrin.

Divant-z-ouve[candjî | candjî l’ côde wiki]

Gn a ene coûte divanzouve ki dit:

Insi k' nos peres fijhént si bén divant d' ovrer, dji tén a shure leu-z egzimpe po çci ossu, fé l' sene del croes et dire: «ki ç' soeye a l' oneur do Bon Diu et å schapaedje di mi åme».