L'Ardenne fouyue (live)
L' Årdene foyowe
L' Årdene foyowe (L'Ardenne fouyue), c' est on live e walon da Pire-Djôzef Dosimont.
C' est ene schôtlêye di tecses (bråmint des arimés avou kékes pititès prôzes).
I vuda e 1944, di l' imprimreye Duchêne dås Libins.
Il a stî shuvou di «L' Årdene ås côpons».
Contnou
[candjî | candjî l’ côde wiki]Li live kimince pa on «dvanzouve» lomé «Po siervi d' avant-propôs». Li scrijheu raconte kimint k' i s' a metou a scrire e walon. Si pere, k' aveut fwait ses scoles a Nameur, el cåzéve voltî.
Popa inméve d' cåzer s' walon. I tchantéve voltî les bokets des oteurs did pa låvå. I nd esteut fir.
I n' a sayî di scrire k' a 60 ans. L' ortografeye k' i shût, il a aprins di Paul Bauvir, on fivî d' Årvaye, professeur a Vierton.
Dj' aveu passé swessante ans vwand dj' a don sayî di scrire li walon d' Årvaye. Dj' a yeu, po m' disgroxhi, li tchance di trover on professeur d' Årvaye lu ossu, ki m' a-st apris bråmint a scrire et a m' fé comprinde des ôtes. I faleut ça po n' nén trop fé rire di mi des ci ki sont poentous s' les regues.
On î aprind eto k' il a stî ecoraedjî pa Djôzef Calozet, on vijhén d' Nåwinne. Pu pa Jean Haust. Åresse, il a divnou, avou des soçons da sinne, onk des temoens po l' ALW.
Monsieu Haust, lu, a l' toû po disterer les vîs mots ki sourdèt d' ene tiesse come trukes foû d' tere. E l' plaece di cråwe po råyî, il a vnou kékes côps dlé mi avou ene kiriyele du kessions et i nos a falou nos mwintes po n' î responde k' a mitan !
Shuvance
[candjî | candjî l’ côde wiki]Li motlî do live (målåjheys mots) a stî ristudyî dins on memwere di romane, «Glossaire du patois d'Arville à partir de L'Ardenne fouyue de P.J. Dosimont ».
Hårdêye difoûtrinne
[candjî | candjî l’ côde wiki]
so Wikisourd: L’Ardenne_fouyue (li live e-n etir)