L' otel est rimpli (teyåte)

Èn årtike di Wikipedia.
Aller à la navigation Aller à la recherche
Teyåte Veskeveye rimpli.jpg
Pire Monseu et s' feme

L' otel est rimpli, c' est ene pîce di teyåte sicrîte e francès avou l' tite «Pension complète» pa Pierre Chesnot.

Prezintaedje[candjî | candjî l’ côde wiki]

Pire Monseu, c' est on fhjeu d' fimes ki dmeure a Paris. I vént tourner sol Coisse d' Azur. I lodje a l' otel Mimoza, dit-st i todi a s' feme, k' est foirt djalote. Oyi mins nén pus gn a pont d' otel Mimoza. I vént rtrover s' mayon, Magali, ki si ome, Tchåle-Hinri, boute come kimandant d' somarén, et ndaler e mission po des moes et des ramoes.

Mins on bea côp, vo n' la-t i nén ki Cicile Monseu a håsse di vni dmorer ene cope di djoûs dins cist otel la, ki si ome lyi vante tant. Sabaye kimint çki Pire Monseu si va saetchî foû di spexheur.

Redjårbaedjes et ratournaedjes e walon[candjî | candjî l’ côde wiki]

Modêye Philippe Decroo[candjî | candjî l’ côde wiki]

I redjårbêye pår li pîce ey el rimete el Walonreye. Les Swisses divnèt des Brusselwès, metans. Minme monsieu Monseu candje di mestî.[1]

Modêye Willy Leroy[candjî | candjî l’ côde wiki]

I respectêye li mwaisse pîce, avou les minmès plaeces, et pår li manoye d' adon (vîs francs francès). Les Swisses djåzèt e-n on tchantant francès.

C' est ç' modêye la k' a rascodou li Cope do Rwè e 2018 avou l' dramatike di Veskeveye.

Hårdêye difoûtrinne[candjî | candjî l’ côde wiki]

Prumî ake (djouwé pal Dramatike walone di Veskeveye) (sol Tévé walon-cåzante) (so l' Aberteke)

  1. Racsegnes dinêyes pa Claire Paulet, k' a lî l' redjårbaedje Decroo pol Dramatike walone di Veskeveye