L' otel est rimpli (teyåte)

Pire Monseu et s' feme

L' otel est rimpli, c' est ene pîce di teyåte sicrîte e francès avou l' tite «Pension complète» pa Pierre Chesnot.

Prezintaedje

Pire Monseu, c' est on fhjeu d' fimes ki dmeure a Paris. I vént tourner sol Coisse d' Azur. I lodje a l' otel Mimoza, dit-st i todi a s' feme, k' est foirt djalote. Oyi mins nén pus gn a pont d' otel Mimoza. I vént rtrover s' mayon, Magali, ki si ome, Tchåle-Hinri, boute come kimandant d' somarén, et ndaler e mission po des moes et des ramoes.

Mins on bea côp, vo n' la-t i nén ki Cicile Monseu a håsse di vni dmorer ene cope di djoûs dins cist otel la, ki si ome lyi vante tant. Sabaye kimint çki Pire Monseu si va saetchî foû di spexheur.

Redjårbaedjes et ratournaedjes e walon

Modêye Philippe Decroo

I redjårbêye pår li pîce ey el rimete el Walonreye. Les Swisses divnèt des Brusselwès, metans. Minme monsieu Monseu candje di mestî.

Modêye Willy Leroy

I respectêye li mwaisse pîce, avou les minmès plaeces, et pår li manoye d' adon (vîs francs francès). Les Swisses djåzèt e-n on tchantant francès.

C' est ç' modêye la k' a rascodou li Cope do Rwè e 2018 avou l' dramatike di Veskeveye.

• 
  des pratikes dischindèt des tchambes, divant l' ome del måjhon, tot sbaré
• 
  Ene ôte pratike, Florete, dins on cmaxhaedje di dvizes (kiproco) avou Tchåle-Hinri Lagasse

Hårdêye difoûtrinne

Prumî ake (djouwé pal Dramatike walone di Veskeveye) (sol Tévé walon-cåzante) (so l' Aberteke)