L' Aili reye (pîce pol radio)

Èn årtike di Wikipedia.
Sauter à la navigation Sauter à la recherche

L' Aili reye[1], c' est ene pîce pol radio sicrîte pa Jean Rathmès, rashiowe sol Complinte des payizans lidjwès sol ravadjmint des sôdårs. Ele si passe a Lidje ey a Votem diviè 1631.

Ele fourit creyeye pal RTB Lidje li 16 d' avri 1961 et passer dins ene emission da Jean Brumioul.

Elle a stî eplaideye avou Les vwès del nute dins on livret imprimé pa L. Bourdeaux-Capelle a Dinant (sins date).

Tcherpintaedje del pîce[candjî | candjî l' côde wiki]

Tites des catoize tåvleas

  1. Sol pont ds Åtches
  2. L' assimblêye des taeneus
  3. E cwårtî d' Sint-Linåd
  4. El taviene do cier: Aili, ene kimere del bordjoezreye, si maxhe a totès sôres di djins do peupe
  5. Divins ene catreye di Mouze-e-l'-Aiwe: Aili vént rapåjhî et diner a magnî a Båre, malåde, et s' feye Djihene, todi djoyeuse, ki s' pa boet tote si cwénzinne.
  6. Amon l' Mayleu, a Votem
  7. Amon Crespou a Votem (prumî boket del "Complinte")
  8. A Lidje, amon Bastén Lirouwale
  9. Å pî do peron: Aili si fwait margougnî pa Måbouwé, on baligand, mins est schapêye pa Toumas
  10. El tchambe da Toumas, amon l' mwaisse taeneu Wåtî: Divant Aili ki doime, si coixheure sogneye, Toumas et Madlinne vinèt a dvize so leus sintimints
  11. A Rolangofe: rarivêye do prince-eveke
  12. Amon Crespou a Votem (shûte del "Complinte")
  13. So les Tawes, a Votem

Dins l' livret, li pîce est shuvowe d' on ptit motlî avou des målåjheys mots, tertos poujhîs divins E158, E1 & FE1.

Cotoû istorike[candjî | candjî l' côde wiki]

E 1631, a Lidje, c' est Sébastien Laruelle (Bastén Lirouwale) eyet l' conte di Her k' ont stî lomés borguimwaisses del cité, mins leu lomaedje n' est nén accepté do prince-eveke, Ferdinand d' Bavire. Ci-cial est a Hu ey i va rivni e ponton (tåvlea 12). Termetant, gn a des sôdårs espagnols a Hesta ki vnèt branscater les payizans.

Pî-note[candjî | candjî l' côde wiki]

  1. Aili, c' est l' no do mwaisse persounaedje.